Anasxon Rahmatov: "Osiyo chempioni bo'lish uchun oxirigacha harakat qilamiz"

Qiyin va muhim o'yinda vakillarimiz 3:2 hisobida g'alaba qozonib, guruh peshqadamligini mustahkamlashdi. O'yindan keyin terma jamoamiz safida gol urgan Anasxon Rahmatovning fikrlariga quloq tutdik. 

"To'g'risi, Tojikiston bilan o'yin juda qiyin kechdi. Ikkinchi taymda hisobdan kelib chiqib biroz xotirjamlikka berildik. Bu esa bizning zararimizga ishladi. Biroq jamoamiz bilan muhim g'alabani qo'lga kiritdik.

Ikkinchi goldan keyin bizda hech qanday sarosima holati kuzatilmadi. Biz o'z kuchimizga ishonardik va g'alaba bilan bahsni tugatishga ishongandik.

Guruhning 3-turida Bahrayn bilan juda qiziqarli bahs kutib turibdi. Ushbu bellashuvda ham biz g'alaba uchun maydonga tushamiz.

Xudo xohlasa, biz Osiyo chempionatida faqat g'oliblikni maqsad qilganmiz. Bu maqsad uchun astoydil harakat qilamiz", – deya fikrlarini yakunladi Rahmatov.