⚡️ Ana xolos! PSJ Kilian Mbappe tufayli evrokuboklardan chetlatilishi mumkin

"Le Monde"ning xabariga ko'ra, shu yoz PSJdan "Real"ga o'tgan forvard Parij klubidan soliqlar bilan qo'shib hisoblaganda 55 mln evro talab qilmoqda. Bu summaga shartnoma imzolagani uchun bonus (36 mln evro) hamda futbolchining klubdagi oxirgi 3 oylik maoshi kiradi.

Malum bo'lishicha, Mbappe Professional futbol ligasi (LFP)ning yuridik komissiyasiga murojaat qilgan hamda Franciya futbol Federaciyasi vositachiligi asosida UEFAga shikoyat qilgan.

Agarda PSJga nisbatan qo'yilayotgan ayblar asosli deb topilsa, klub sankciyalarga duch kelishi mumkin. Jumladan, transferlarga cheklov va UEFA licenziyasidan mahrum bo'lishgacha. Sababi licenziya berilishining asosiy shartlaridan biri klubda qarzdorlik bo'lmasligi hisoblanadi.

Avvalroq, "qirollik klubi"ning boshqa bir azosi Millatlar Ligasida qatnashishi haqida xabar bergandik.