Alibobo Rahmatullaev "Navbahor"ga qaytdi

Mavsumga poytaxtda tayyorgarlik olib borayotgan "lochinlar" ertaga "Buxoro"ga qarshi so'nggi nazorat uchrashuvini o'tkazishadi. Mazkur bellashuv soat 11.00 da start oladi. SHundan so'ng jamoamiz Namanganga qaytib keladi.

Mavsumga tayyorgarlikning qolgan qismini Rashid G'ofurov boshchiligidagi klubimiz o'z uyida o'tkazishni rejalashtirgan. Kichik jaroxati borligi bois markaziy himoyachi Igor Golban uyiga borib-kelishga ruxsat so'ragan. Legionerimiz shuning uchun buxoroliklarga qarshi bahsda jamoamizga yordam bera olmaydi. SHuningdek yaqindagina tarkibga qo'shilgan hujumchi Doniyor Usmonov ham "Navbahor" lagerini tark etgan. Malum bo'lishicha, xuquqiy jixatdan "Lokomotiv"ga tegishli bo'lgan futbolchini "temiryo'lchilar" qo'yib yuborishni istashmagan.

Tarkibga qo'shilganlar xaqida aytadigan bo'lsak, o'tgan mavsumning ikkinchi yarmida jamoamizga qo'shilgan yarim himoyachi Alibobo Rahmatullaev yangi mavsumni yana "Navbahor"da boshlashi mumkin. Bugun Rahmatullaev mashg'ulotlarga qo'shildi.