aleziya.com orqali futbol ko'ring va Sirojiddin Sayfievga yordam bering!
05 apr 2017 08:22
Yangiliklar

aleziya.com orqali futbol ko'ring va Sirojiddin Sayfievga yordam bering!

Samarqandning "Dinamo" klubi sobiq yarim himoyachisi Sirojiddin Sayfiev og'ir kasallikka chalingani haqida xabar bergandik.

Sayfievga yordam berish maqsadida #TaslimBo'lmaSiroj akciyasi ishga tushirilganidan xabaringiz bor.

aleziya.com saytiga obuna bo'lish va futbol tomosha qilish orqali Sirojiddin Sayfievga yordam bering. Kompaniya bir oy davomida tushgan barcha pullarni Sayfievga xayriya qilishga qaror qildi.

aleziya.com saytiga obuna bo'lish juda ham oddiy. Saytga tashrif buyurasiz va telefon raqamingizni kiritasiz. Sizga maxsus kod keladi, uni kiritasiz va obunani tasdiqlaysiz.

Bundan tashqari, OCHL 4-turi doirasidagi "Lokomotiv" - "Istiqlol" (Eron) uchrashuviga kelib Sayfievga yordam berish mumkin. Yani o'yin chiptalari sotuvidan tushgan barcha pullar sobiq futbolchiga xayriya qilinadi.

Eslatib o'tamiz, "Lokomotiv" - "Istiqlol" uchrashuvi 11 aprel kuni TTZ dahasidagi "Lokomotiv" stadionida bo'lib o'tadi. Uchrashuv soat 16:00ga belgilangan. Stadionga keling va Sayfievga yordam bering.

P.S. Ushbu akciyada ishtirok etishni istagan kompaniya va tashkilotlar biz bilan bog'lanishlari ([email protected]) mumkin. Biz bu haqda saytimizda elon qilamiz.