Aleksey Evstafeev: "Birinchi bo'limda hech narsa o'xshamadi. Bu nima bilan bog'liqligini bilmayman"

O'yin haqida

- O'yin jamoa uchun qiyin o'tdi. Ayniqsa, birinchi bo'limda hech nima o'xshamadi, jamoaviylik ham, bir-birini tushunish ham. Bu nima bilan bog'liqligini bilmadim. Buni ko'rib chiqamiz. Asosiysi - bugun g'alaba qozondik, uch ochko muhim edi. 

- "Yunired"ga qarshi o'yinda asosiy tarkibni tanlashda adashganingizni aytgandingiz. Bu safar asosiy tarkibda nimalarni o'zgartirdingiz va bu o'zini oqladimi?

- "Yunired" bilan nafaqat asosiy tarkib noto'g'ri tanlandi, balki, bir qancha futbolchilar maydondagi funkciyalarini bajargani yo'q. O'sha o'yinda rejalarni o'zgartirishga majbur bo'ldik. SHu bois yaxshi o'yin ko'rsatishga qiynaldik. Bugun esa o'zimizning eski sxemamizga qaytdik. Bu sxema yigitlarga yaxshi tanish. Bilmadim, balki, yigitlarning ruxiy holati o'yinga tayyor bo'lmagandir. 

- Zafar Polvonovning asosiy tarkibda tushmayotgani, ko'p imkon berilmayotgani uning yoshi bilan bog'liqmi?

- Ha, albatta. Uning bu yoshida barcha charchagandan keyin maydonga tushgani maqulroq. SHunday paytda u o'yinni kuchaytirmoqda. Umuman olganda bu taktik yurish - bizda doimo ushbu variant bo'ladi. U qachonki maydonga tushsa, o'yinimizda kuchayish kuzatiladi. O'z navbatida raqiblarga minnatdorlik bildiraman. Garchi kamchilik bo'lishsa-da, bizga yaxshigina muammolar yaratishdi va bizga qiyin bo'ldi. Ularning o'yini yaxshi, shunchaki omad kelmadi.