Aleksey Estafeev: "Tajriba etishmasligi va vaziyatlardan foydalana olmaslik natijasida mag'lub bo'ldik"

O'yin haqida

- Ko'p jihatlarda tajriba etishmadi. Aniqlik borasida, vaziyatlarni yakunlashda qiyinchiliklarga duch kelayapmiz. Mezbonlar bugun o'z vaziyatlaridan unumli foydalanishdi va g'alaba qozonishdi.

- Zaxiradan qo'shilgan futbolchilarning o'yini sizni qoniqtirdimi?

- Zaxiradan yosh futbolchilarni o'yinga tashladik. Tajriba etishmagani ko'rinib turdi. Yosh futbolchilarga bo'sh xududlarga ochilishda tajriba etishmayapti. Hujumda ham shu kabi muammolarimiz bo'ldi.

- SHerzod Qodirov siz jamoaga kelgandan buyon o'yini ochilib ketdi, ketma-ket gollar urayapti. Bu futbolchini siz kashf qila oldim deb hisoblaysizmi?

- Men jamoaga kelgandan keyin SHerzod bitta o'yinda gol urdi. SHundan so'ng unga ko'proq ishonch bildirdik va hozirga qadar o'zini ko'rsatib kelmoqda. Albatta, mashg'ulotlar davomida hujumchilar bilan raqib darvozasini ishg'ol qilishlari bo'yicha ishlaymiz.

- O'yindan tashqari savol. Sizningcha, bu yilgi mavsumda qaysi jamoalar Superliga yo'llanmasiga ega chiqadi?

- Bu yilgi Pro-ligada hech qaysi jamoaga oson bo'layotgani yo'q. Hozir 3-4 ta davogar klublar bor, mavsum yakunida bu savolga javob olamiz.