Aleksandr Xomyakov: "Yigitlar kichkina qahramonlik ko'rsatishdi"
21 noy 2021 16:35
Yangiliklar

Aleksandr Xomyakov: "Yigitlar kichkina qahramonlik ko'rsatishdi"

Superliganing 25-turidan o'rin olgan "Mashal" - "Qizilqum" (2:1) uchrashuvidan keyin mezbonlar bosh murabbiyi Aleksandr Xomyakov o'z fikrlarini bildirdi.

"Kurashlarga boy o'yin bo'ldi, bizning taqdirimiz hal bo'lishi kerak edi. Birinchi taymda asabiy o'ynadik, barcha narsa rejamiz bo'yicha ketmadi, gol ham o'tkazib yubordik. Ikkinchi taymda yigitlar o'zlarini bosib olishdi va nihoyat o'z maydonimizda ikkita gol urishga erishdik. Yigitlarga, jamoamizga rahmat aytaman. Ular kichkina qahramonlik ko'rsatishdi.

Endi "Metallurg" - "Turon" uchrashuvini kuzatamiz va o'sha o'yin natijasiga qarab keyingi o'yinga tayyorgarlik ko'ramiz", - dedi Xomyakov.

- Okvara CHika ko'p vaqt zaxirada qolib ketdi, bugun maydonga tushib ikkita gol urdi...
- Unda muammolar bo'lgandi. Darhol asosiy tarkibga kiritish noto'g'ri bo'lardi, ikkinchi taymda bizga taran hujumchi kerak edi. Ko'rib turganingizdek bu natija berdi.