Aleksandr Mochinov: "UzDongJu"ga qarshi qiziqarli o'yin guvohi bo'ldik"

Aleksandr Mochinov (“Oq-tepa” bosh murabbiyi): O'yin juda yaxshi bo'ldi. Menga Toshkentdagi uchrashuv ham, bugungisi ham yoqdi. Raqib jamoa bizga etarlicha qarshilik ko'rsatdi. Buning uchun "UzDongJu" jamoasi o'yinchilariga va shogirdlarimga o'z minnatdorchiligimni bildirib o'taman. Bugun haqiqatdan kuchli, keskin kurashlarga boy bellashuv guvohiga aylandik.

-  Biz birinchilik davomida jamoaviy o'yin namoyish etishga intilyapmiz. SHogirdlarim berilgan ko'rsatmalarni bajarishyapti deb ayta olaman. "Bo'yoqchilar”ga qarshi bahsimiz suniy qoplamali maydonda bo'lganligi uchun og'ir o'tdi. Bu holat ko'pchilik o'yinchilarga qiyinchilik tug'dirganligi tabiiy holat. SHuning uchun jamoaning tarkibini o'zgartirib turishga majbur bo'layapman.


Komiljon Ikromov.