Aleksandr Geynrix: "Muxlislarni o'z tabassumim bilan xursand qilaman"

"Bugun nihoyat to'liq tarkib bilan shug'ullandik. Murabbiylarimiz avalgi o'yin uslubimiz, jamoa falsafasini futbolchilarga yana bir bor eslatib o'tishdi. Barcha safda, tarkibdagi hech kimni jarohat bezovta qilayotgani yo'q. Hammasi alo. Bo'lajak o'yinlarda Geynrixning muxlislarga atab qo'ygan sovg'asi? Albatta ishqibozlarni o'z tabassumim bilan xursand etmoqchiman (kuladi). O'ylashimcha, ishqibozlar uchun asosiy sovg'a -  g'alaba. Qo'shimchasiga yurtimizda hozir bayram shukuhi. SHu fursatdan foydalanib barcha yurtdoshlarni Navro'z bayrami bilan tabriklamoqchiman. Bayram kayfiyatida ularga g'alaba va muhim ochkolarni taqdim etsak maqsadga muvofiq bo'lardi. Nafaqat g'alaba, balki muxlislar chiroyli o'yinni ham kutishayotganini bilaman. Lekin bizning xato qilishga haqqimiz yo'q. SHu bois birinchi navbatda natija asosiy planga chiqadi. Ammo muxlislarga chiroyli o'yin orqali g'alabani qo'lga kiritishga harakat qilamiz. Menimcha, hammasi joyida bo'ladi. Hozirgi sport formam yaxshi darajada. Jismoniy holatimdan shikoyatim yo'q. Asosan zaxiradan maydonga tushayotganimga kelsak, bu taktik yurish. Murabbiy terma jamoada zaxiradan tushib gol urayotganimni aytdi va bu ham yomon emas. Muhimi jamoamiz g'alabasi", - deydi Aleksandr Geynrix.