Aleksandr Geynrix: "Dastlabki o'yinda bizga qiyin bo'lgandi, endi ularga undanda qiyinroq bo'ladi"

"Bizni juda qiyin va o'ta muhim uchrashuv kutib turibdi. Bugundan terma jamoa mashg'ulotlariga qo'shildim. KXDRga qarshi o'yinga jiddiy tayyorgarlik ko'rmoqdamiz. Bu jamoa haqida etarlicha malumotlarga egamiz. KXDRni sinchikovlik bilan o'rganib chiqdik. Raqibni kuchli va kuchli taraflari haqida xabardormiz. Bu o'yinda o'zimizni futbolni namoyish etishimiz lozim bo'ladi. Bizga faqat g'alaba zarur. KXDRga qarshi dastlabki o'yindagi mag'lubiyat? Bir narsa deyish qiyin. Safardagi o'yinda boshqa murabbiy bo'lgandi, shuningdek safda men bo'lmaganman. SHu boisdan nega aynan mag'lubiyatga uchraganimiz haqida biror fikr bildira olmayman. O'sha uchrashuv yozuvini disk orqali tomosha qilgandim. Futbolchilar suniy qoplamali maydon bo'lgani, yo'ldagi uzoq parvozlar tufayli charchoq alomatlari o'z tasirini ko'rsatganini aytib o'tishgandi. Birinchi davradagi o'yinda bizga qiyin bo'lgan bo'lsa, endi ularga undanda qiyinroq bo'ladi. Muxlislarimizdan esa stadionga tashrif buyurib jamoamizni qo'llab-quvvatlashlarini so'rab qolaman", - deydi Aleksandr Geynrix.