"Al Sadd" safidagi "yirtqichlar" haqida

Al-Sadd Boualem Khoukhi - 55'

AFC Champions League Grp. E . 1-tur 08/04/2022, 23:15 1 : 1 Tugadi

Nasaf Qarshi Pedro Miguel - 31'

45'

90'

27'  Abdelkarim Hasan Fadlalla

55'  Boualem Khoukhi

55'  Santi Cazorla

61'  Pedro Miguel

63'  Pedro Miguel

68'  Ali Assadalla (Mohammed Waad)

68'  Hassan Al Haidos (Tarek Salman)

81'  Akram Afif (Salem Al Hajri)

11'  Semir Smajlagic

31'  Pedro Miguel

46'  Shakhzod Akromov (Sukhrob Nurulloev)

50'  Sukhrob Nurulloev

54'  Semir Smajlagic (Khusayin Norchaev)

61'  Alibek Davronov

67'  Sharof Mukhiddinov (Bakhrom Abdurakhimov)

75'  Alibek Davronov (Ivan Soloveev)

Match-senterda ochish

Kun davomida "ajdarlar"ning ayni paytdagi holati, o'zaro uchrashuvlar tarixi va taxminiy tarkiblar haqida malumot berildi. Berdiev uchun himoyadagi muammolar katta bosh og'rig'i bo'lishi aytilmoqda. Baxtga qarshi, doxaliklarning hujum chizig'i ham dahshatli formaga kirib olgan. Hozir shu haqda.

Santi Kasorla (37 yosh)

"Arsenal"dagi o'yinlari bilan sizga yaxshi tanish bo'lgan ispaniyalik yarim himoyachi "Al Sadd" tarkibiga bundan 2 yil oldin "Vilyarreal"dan kelib qo'shilgan edi. Santyagoning Doxa klubidagi o'rni beqiyos. Himoyadagi to'pni oldingi chiziqqa ko'chirish asosan Kasorla vositachiligida amalga oshiriladi. U bugunga qadar qatarliklar libosida 59 uchrashuvda maydonga chiqib, o'z nomiga 28 gol va 27 ta golli uzatmani yozdirib qo'ygan.

Andre Ayyu (32 yosh)

Franciyada tug'ilgan, ammo Gana terma jamoasi sharafini himoya qiladigan hujumchi faoliyatining katta qismini Franciya, Angliya va Turkiya chempionatlarida o'tkazgan. U "Al Sadd" tarkibiga 2021 yilning yozida kelib qo'shilgan edi. Yulduzlar ligasining ortda qolgan mavsumida 22 turning 21 tasida maydonga tushgan Ayyu 15 ta gol urib, Doxa klubining eng yaxshi to'purariga aylandi.

Bag'dod Buneja (30 yosh)

Jazoir terma jamoasi forvardi Osiyoda to'p tepadigan eng kuchli markaziy hujumchilardan biri hisoblanadi. "Al Sadd" safida 2016 yildan beri harakatlanib kelayotgan futbolchi o'zbekistonlik muxlislarga yaxshi tanish. U 2018 yilda "Nasaf", 2019 yilda "Paxtakor" darvozasini ishg'ol qilgan edi. Bunejaning Qatardagi statistikasi esa shunchaki qo'rqinchli: 116 o'yinda 130 gol va 35 ta assist. 

Akrom Afif (25 yosh)

Ispan akademiyalarida tahsil olgan futbolchi La Ligada to'p tepib, o'zini Belgiyada ham sinab ko'rishga ulgurgan. "Al Sadd" legionerlari qayd etayotgan statistika haqida yuqorida aytdik. Lekin jamoadagi eng xavfli o'yinchi aynan Afif hisoblanadi. U Yulduzlar Ligasining oxirgi mavsumida 18 o'yin o'tkazib, 13 ta gol urdi va 17 bor jamoadoshlariga shunday imkoniyat yaratib berdi.

Bundan tashqari, "ajdarlar"ning mudofaa chizig'i 41 yoshli Rodrigo Tabatadan ehtiyot bo'lishi talab qilinadi. Bir so'z bilan aytganda "Nasaf"ni juda qiyin sinov kutib turibdi. Nima deb o'ylaysiz: Berdiev jamoasi bugun nolga o'ynay oladimi?