"Al Nassr" yanvarda Nunes uchun 75+ mln evro va bonuslar taklif qildi, ammo...

Insayder Fabricio Romanoning xabariga ko'ra, "Liverpul" ikkita rasmiy taklif olgan va ulardan ikkinchisida 75 mln evrodan ortiq mablag', shuningdek bonuslar ko'zda tutilgandi.

Saudiya klubi forvardning o'zi bilan ham muzokaralarda ancha oldinga siljigan va uning yakunda o'tishga rozi bo'lishiga ishonchi komil edi.

"Liverpul" yakunda munosib o'rinbosar topa olmagani sabab bitim tuzishni rad etgan.

Nunes joriy mavsum APL doirasidagi 18ta o'yinda maydonga tushib, 4ta gol urishga erishdi.