Krishtianu Ronaldu va "Al Nassr" Qirol Kubogi yarim finalida mag'lub bo'ldi

Yarim final uchrashuvi "Al Nassr"ning ustunligi ostida o'tdi, biroq 23-daqiqada "Al Vahda" vakili Baguel Duartening uzatmasini golga aylantirdi va birinchi taym mehmonlar g'alabasi bilan yakun topdi.

Ikkinchi bo'lim boshlarida Al Hatif ikkinchi sariq kartochkasini oldi va "Al Vahda"ni qiyin vaziyatga tushirib qo'ydi. SHunga qaramasdan "Al Nassr" raqib darvozasi tomon yo'l topa olmadi. 100 daqiqa davom etgan bahs "Al Vahda"ning g'alabasi bilan yakun topdi va Krishtianu Ronaldu hamda "Al Nassr" Qirol Kubogini tark etishdi.

Hamyurtimiz Jaloliddin Masharipov ushbu bahsda zaxirada qoldi.

"Al Nassr" - "Al Vahda" 0:1

Gol: Baguel 23.

"Al Nassr": Navaf, Sulton, Gonsales, Layami, Konan (Al Ammari 83), Al Haybari, Al Hassan (Al Sulayhim 77), Gustavo, G'arib (Maran 83), Taliska, Ronaldu.

Zaxira: Rossi, Fatil, Mado, Majid, Al Aleva, Masharipov.