"Al Hilol" - "Urava Reds". OCHL finaliga tayyormisiz?
18 noy 2017 12:46
Yangiliklar

"Al Hilol" - "Urava Reds". OCHL finaliga tayyormisiz?

Bugun Osiyo chempionlar ligasining finalidan o'rin olgan birinchi uchrashuv bo'lib o'tadi. Saudiya Arabistonining Ar Riyod shahrida "Al Hilol" Yaponiyaning "Urava Reds" klubini qabul qiladi.

O'yin Toshkent vaqti bilan 21:15da boshlanadi. SHuni aytish lozim, "Al Hilol" bungacha OCHLda g'olib bo'lmagan. Bu jamoa 2014 yil finalda o'ynagan, biroq ikki o'yin natijasiga ko'ra Avstraliyaning "Vestern Sidney" klubiga 0:1 hisobida mag'lub bo'lgan.

"Urava Reds" esa bundan 10 yil muqaddam OCHL g'olibligini qo'lga kiritgan. O'shanda jamoa Eronning "Sepaxon" klubidan ustun kelgan. Saudiyaning "Al Hilol" klubi 2009 yildan beri muntazam guruhdan chiqib kelmoqda. Bu jamoa ushbu mavsum chorak final va yarim finalda "Al Ayn", "Persepolis" klublarini ortda qoldirdi.

Saudiyaning "Al Hilol" klubi hozircha OCHLda g'olib bo'lmagan

"Al Hilol"ning suriyalik hujumchisi Omar Xrbin eng muvaffaqiyatli transferlardan biri bo'ldi. U yil boshidan beri OCHLda 9ta gol urishga muvaffaq bo'ldi. SHundan beshtasini esa yarim finalda "Persepolis" darvozasiga kiritdi. SHubhasiz, bugungi o'yinda ham Xrbin asosiy rollardan birini bajaradi.

"Al Hilol" safida kuchli futbolchilar ko'pchilikni tashkil etadi. Masalan, braziliyalik Karlos Eduardo, urugvaylik Nikolas Milesi, qolaversa mahalliy o'yinchilardan Salim Al Dovsari va Yosir Al SHahrani shular jumlasidan.

OCHL-2007 g'olibi "Urava Reds" ham mazmunli o'yin namoyish etmoqda. Bu jamoa finalga qadar 28ta gol urishga muvaffaq bo'ldi, shuningdek, to'rtta uchrashuvda o'z darvozasidan to'p o'tkazib yubormadi. Saytama shahri klubi chorak finalda "Kavasaki Frontale"ni, yarim finalda esa "SHanxay SIPG"ni ortda qoldirdi.

Yaponiyaning "Urava Reds" klubi bir marta 2007 yil OCHL g'olib bo'lgan

"Urava" hujumchisi Rafael Silva raqiblar darvozasiga 11ta zarba berib, shundan 7tasini golga aylantirdi. Buni yaxshi ko'rsatkich desa bo'ladi. U "SHanxay SIPG" darvozasiga ham to'p kiritgan. Mahalliy o'yinchilardan Yosuke Kashivagi, jamoa sardori Yuki Abe boshqalardan alohida ajralib turadi.