Akmal Xolmurodov: "Butun Samarqand katta futbolni sog'inib qolgan"
09 mar 2019 09:56
Yangiliklar
![](https://championat.asia/upload/storage/481809_original.jpg)
![](/upload/storage/481809_220.jpg)
Akmal Xolmurodov: "Butun Samarqand katta futbolni sog'inib qolgan"
Tadbir Samarqand viloyat hokimi Erkinjon Turdimov, yuzlab muxlislar va OAV ishtirokida o'tdi.
Yangi futbolchilarni tanishtiruv marosimidan so'ng “Dinamo” jamoasi sardori Akmal Xolmurodovning boshlanayotgan Soca-Cola Superligasi bahslari haqidagi fikrlari bilan tanishdik.
- Avvalambor, barchani yangi futbol mavsumi bilan tabriklayman. Bugun taqdimot marosimi ajoyib, yuqori darajada o'tdi. Katta zalda yuzlab muxlislar va viloyat hokimi ishtirokida biz futbolchilarni bu daraja katta etibor bilan kutib olishlarini kutmagandik. Ishonch uchun rahmat, bunday etibor va ishonchni oqlash uchun bor kuchimizni ishlatamiz.
Yangi mavsum oldidan puxta tayyorgarlik ko'rdik deb o'ylayman. Yig'inimiz yakunida Superligaga o'ynashimiz aniq bo'lgach, bu barcha futbolchilarga ham qo'shimcha masliyat va motivaciya berdi. “Dinamo” katta bir oilaga aylangan. Menimcha, bizning eng katta kuchimiz birdamligimizda.
Dastlabki turda “Nasaf”ga qarshi o'ynaymiz. Ushbu jamoa hurmatga sazovor raqibdir. “Dinamo” – “Nasaf” uchrashuvi jangovar va shiddatli o'tishiga shubham yo'q. Tanishtiruv marosimida yuzlab muxlislardan sezdimki, butun Samarqand katta futbolni sog'inib qolgan. O'ylaymanki, “Dinamo” – “Nasaf” uchrashuvida o'yingoh muxlislar bilan liq to'lib, samarqandlik ishqibozlar bizning “12-o'yinchi”mizga aylanishadi. Barchani shanba kuni “Dinamo” stadioniga chorlab qolaman.
Usmon Ibodov suhbatlashdi.
O’xshash yangiliklar
![AMP Logo](https://championat.asia/image/logo-amp.png)
Fikrlar