Ajoyib xayolparast

Yutuqlariyu kamchiliklarini elkasiga ortgancha 2024 yil bizni tark etishga va tarixga aylanishga tayyorlanmoqda.

2025 yil o'zbek futbolida hammasi boshqacha bo'lar ekan...
- 2025 yilda har qanday hisobdagi mag'lubiyatdan keyin matbuot anjumaniga bosh murabbiyning o'zi kirar ekan;

- Yangi yilda matbuot anjumanlari OAV xodimlari bilan liq to'la zallarda o'tkazilar ekan;

- Terma jamoa qanday natija qayd etishidan qati nazar futbolchilar mikst zonada ularni kutib turgan jurnalistlarning savollariga javob berishar ekan;

- Superliga va kubok bellashuvlarida jurnalist va fotograflar uchun hamma sharoitlar biz havas qiladigan davlatlardagi kabi bo'lar ekan;

- Futbolga ixtisoslashgan yangi telekanal ochilarkan;

- O'yinlarni translyaciya qilish uchun yangi KTS (Ko'chma televizion studiya) sotib olinarkan;

- Superliga va kubok o'yinlari 12 ta kamerada translyaciya qilinar, tasvirlarni sifati ko'zlarni quvnatarkan;

- Hakamlar VARni eshitish yoki ko'rish uchun 40 soniyadan ko'p sarflashmaskan;

- O'FA, PFL va hamma o'zbek klublarimiz yil oxirida OAV orqali muxlislar uchun hisobot konferenciyasi o'tkazisharkan;

- Klublarimiz mashg'ulot uchun o'zlari 50 tadan to'p sotib olisharkan, o'yinlarda esa PFL beradigan to'plarni yangidek saqlagan holda foydalanisharkan;

- Yangi mavsumda hech kim vaqt cho'zmasmush, hamma futbol o'ynashni xohlarmush;

- Oxirgi turlarga borib g'alati o'yinlar va natijalar yo'q bo'lib ketarmush;

- Superligadagi legionerlarni ko'rib ko'z quvnarmush;

- Superligada to'purar bo'lgan futbolchi 30 ta gol urarkan;

- Superliga va Proliga klublari futbolchi va murabbiylaridan tortib barcha xodimlarigacha birdek ekipirovka berarmush;

- Klublar xorij yig'inlari va safar o'yinlariga matbuot kotibi, fotograf va media xizmatidagi operatorni olib borarkan;

- Futbolchilarga ikkitalik premiya, xodimlarga esa bittalik degan tushuncha futbolimizda yo'q bo'lib ketarkan, ikkitalik bo'lsa bu hammaga birdek amal qilarkan;

- Futbolimizda maydon tashqarisidagi emas, maydondagi intrigani ko'rib APLni kuzatadigan muxlislar stadionga qaytisharkan;

- Mavsum oxiriga borib palon klub 3 oydan beri maosh bermasmush, mukofot pullarini bermabdi degan gap-so'zlar umuman yo'q bo'lib ketarkan. Go'yo o'zbek futbolida bunday narsalar hech qachon bo'lmagandek tuyularkan;

- Muxlislar 10-15 yil oldin bo'lgani kabi stadionga qaytarkan;

Hammasi juda yaxshi ketmoqda... SHu onda qulog'imga qandaydir musiqa chalina boshladi. Budilnik jiringlayotgan ekan. Endi asta o'rnimdan turaman va bolajonlarni bog'chasiyu maktabiga tashlab, ishga ketaman...

Qo'shiqning fonogrammasi yaxshimi yoki jonlisi?!