Abduvohid Nematov: “Durang natija qayd etganimiz uchun muxlislarimizdan uzr so'rayman"

Ikki uchrashuvdan so'ng termamiz darvozasini qo'riqlagan Abduvohid Nematov o'z fikrlarini bildirdi.

- Ummon terma jamoasi bilan bo'lgan ilk o'rtoqlik o'yinimizda qiyinchilik bilan bo'lsada g'alaba qozondik. Ummon o'smirlar terma jamoasi juda ham kuchli ekan. Dastlabki uchrashuvda ular darvozamizga tezkor gol urishdi. Birinchi bo'limda hisobni tenglashtirish bizga nasib etmadi. Ikkinchi bo'limda murabbiyimiz bergan ko'rsatmalarni amalga oshirib birin ketin gollar urishni boshladik. Yakunda yirik hisobda g'alaba qozondik.

Ikkinchi o'rtoqlik o'yiniga esa Ummon termasi alo darajada tayyorgarlik ko'rgan ekan. Ular ushbu o'yinda avvalgisidan ham yaxshiroq harakat qilishdi. Afsuski ushbu uchrashuvda xar ikkala jamoaga ham darvozalarni ishg'ol qilish nasib etmadi. Durang natija qayd etganimiz uchun muxlislarimizdan uzr so'rayman”, - deydi O'zbekiston o'smirlar terma jamoasi darvozaboni.

Jahongir Sotvoldiev