Abduvohid G'ulomov: "Darvozamiz tomon haqqoniy tarzda penaltilar belgilandi"

O'yin haqida

Barcha Andijon xalqini bugungi g'alabamiz bilan tabriklayman. O'yin og'ir ruhda o'tishini kutgandik, sababi "Buxoro" Superligaga yo'l olish uchun kurashayotgan asosiy raqiblarimizdan biri hisoblanardi. Muhimi, uch ochkoga ega chiqdik.

— Andijonliklar o'yin davomida negadir faol harakat qilishmadi. Ayniqsa, birinchi bo'limda himoyaga ko'proq urg'u berdi. Bu murabbiyning ko'rsatmasi bilan bog'liqmi?

— To'g'ri, uchrashuv boshida o'yinga moslashish biroz qiyin kechdi. Biroq bizning taktikamiz shunday edi va bu o'zini oqladi.

— "Andijon" darvozasiga belgilangan ikkita penalti haqqoniy tarzda belgilandimi?

— Qaror qabul qilish hakamlarning ishi. Ular penalti belgiladimi, biz xohlasak-xohlamasak hakamning qarorini bekor qila olmaymiz. Bu vaziyatlarni ko'rib chiqish kerak. O'ylashimcha, penaltilar to'g'ri belgilandi, dedi andijonliklar himoyachisi.