54 yoshli Miura Yaponiya to'rtinchi divizionida o'ynaydi
11 jan 2022 20:42
Yangiliklar
![](https://championat.asia/upload/storage/677433_original.jpg)
![](/upload/storage/677433_220.jpg)
54 yoshli Miura Yaponiya to'rtinchi divizionida o'ynaydi
U 1986 yildan buyon professional ravishda futbol o'ynab kelmoqda.
Kadzuyosi Miura "Yokogama"dan "Suzuka Poynt Getters"ga ijaraga o'tib, faoliyatini Yaponiyaning to'rtinchi divizionida davom ettiradi. Keyingi mavsum uning faoliyatidagi 37-mavsum bo'ladi.
"Yokogama" Yaponiya oliy ligasi (J-liga)dan ikkinchi divizionga tushib ketganidan keyin Miura ijaraga berildi. "Poynt Getters"da unga akasi, 56 yoshli Yasutoshi Miura murabbiylik qiladi.
Kadzuyosi Miura fevral oyida 55 yoshga to'ladi. U o'z faoliyatini 1986 yilda boshlagan va Braziliya, Xorvatiya, Italiya, Avstraliya va Yaponiyada to'p tepgan.
U 2005 yildan buyon "Yokogama"ga tegishli, ammo so'nggi yillarda u maydonda kam ko'rinish bermoqda. 2021 yilda u barcha turnirlarda 4 o'yinda maydonga tushib, jami 43 daqiqa maydonda harakat qilgan.
O’xshash yangiliklar
![AMP Logo](https://championat.asia/image/logo-amp.png)
Fikrlar