2 yil oldin APL xavfli hududida bo'lgan jamoa bugun ECHL jadvalini boshqarmoqda, ular hali gol ham o'tkazishmagan
23 okt 2024 12:38
Yangiliklar

2 yil oldin APL xavfli hududida bo'lgan jamoa bugun ECHL jadvalini boshqarmoqda, ular hali gol ham o'tkazishmagan

Kecha tunda Evropa CHempionlar ligasining 3-tur bellashuvlariga start berilganidan xabaringiz bor.

Angliyada "Aston Villa" jamoasi "Villa Park"da Italiyaning "Bolonya" jamoasini qabul qildi va 2:0 hisobida g'alaba qozondi. Ushbu g'alabadan keyin Unai Emeri shogirdlari ECHLda 9 ochko bilan yakka peshqadam bo'lib olishdi. Oldingi ikki turda ular "Bavariya" (1:0) hamda "Yang Boyz" (3:0)ni taslim etishgan edi. Ko'rib turganingizdek, "Villa" hali gol ham o'tkazib yubormadi. Vaholanki, o'tgan turda Emeri shogirdlari Bundesliganing joriy mavsumdagi 7 o'yinida jami 24ta gol urgan "Bavariya"ga qarshi to'p tepishgan.

Tunda bo'lib o'tgan o'yinlar natijalari.

"Aston Villa"dan keyin 7 ochkodan to'plagan "Monako", "Sporting" va "Arsenal" izma-iz quvib kelmoqda. Bugungi o'yinlardan keyin jadvalda yana o'zgarishlar bo'ladi.

Qizig'i, "Aston Villa" 2 yil oldin APLda xavfli zonaga yaqin o'rinlarga tushib ketgan va 2022 yilning oktyabr oyi oxirida jamoa boshqaruviga Unai Emeri olib kelingan. Emeri kelishi bilan birinchi o'yinidayoq (06.11.2022) "Manchester Yunayted"ni 3:1 hisobida enggan va uyog'iga jamoa natijalari yaxshilanib boraverdi. Bugungi kunga kelib esa "Aston Villa" ECHLda gol o'tkazmasdan karvonboshlik qilmoqda.