Jafar Irismetov 26-tur oldidan qanday fikrda?

 Xususan bu yil sovrinli o'rinlarni egallashi aniq bo'lib ulgurgan "Bunyodkor", "Lokomotiv" hamda "Nasaf"ning chempionatni nechanchi o'rinda yakunlashi oydinlashadi.

SHuningdek, elitani tark etishi aniq bo'lib ulgurgan "SHo'rtan" ketidan "Guliston" yoki "Qizilqum" birinchi ligaga ravona bo'lishi mumkin. Buni ushbu jamoalar o'rtasida kechadigan bugungi o'yinda so'ng bilib olamiz.

O'z vaqtida chempionatimizda to'purarlik mahoratini namoyish etgan Jafar Irismetov oliy liganing 26-turidan oldin o'z fikrlari bilan o'rtoqlashdi.


- 1-2-3-o'rin egalari oxirgi turdan keyin ham joy almashmaydi. Yani, chempion "Bunyodkor" bo'ladi. Kumush medallar "Lokomotiv"ga nasib etsa, "Nasaf" 3-o'rinni egallasa kerak.

- Oliy ligani tark etadigan ikkinchi jamoa Gulistondagi o'yindan so'ng aniq bo'ladi. Katta ehtimol bilan "Guliston" kuchlilar safini tark etadi deb o'ylayman. To'g'ri, "Qizilqum" safarda yuta olmaydi. Lekin uchrashuv durang bilan yakun topsa ham zarafshonliklar bundan yutadi - deydi Irismetov.

Islombek Rustambekov yozib oldi.