Solari futbol tarixidagi eng kuchli jamoa qaysi ekanligini aytdi

Ilgariroq “Manchester Siti” ustozi Xoep Gvardiola so'nggi o'n yillikning eng kuchli uch klubi nomini sanay turib, ular orasida “Real”ning nomini tilga olmagandi. “SHaharliklar” ustozi eng kuchli klublar sifatida “Bavariya”, “Yuventus” va “Barselona”ni qayd etgandi.

“O'ylashimcha, Xosep ataylab bu gapni aytdi. Ammo “Real” so'nggi o'n yillikning emas, balki futbol tarixidagi eng kuchli jamoadir. Madrid klubi hech qachon hech kimni mehnatlarini qadrsizlantirmagan, shuning uchun ham u buyuk klub”, deya Solarining so'zlaridan iqtibos keltirmoqda AS nashri.

“Real” Ispaniya chempionatining 21- turidan keyin 39 ochko jamg'argan holda turnir jadvalining uchinchi pog'onasini band etgan. Ayni paytda La Liga turnir jadvalida “Barselona” 49 ochko bilan peshqadamlik qilmoqda. Ikkinchi o'rinda 44 ochko jamg'argan “”Atletiko” bormoqda.