Nihoyat! Ektor Kuper bilan matbuot anjumani tashkil etiladi

Ektor Kuper boshchiligidagi terma jamoamiz mazkur musobaqaga jiddiy tayyorgarlik ko'rmoqda.

Vakillarimiz sentyabr, oktyabr va noyabr oylaridagi FIFA kunlarida bir qator o'rtoqlik o'yinlarida maydonga tushdi.

Dekbar oyida milliy terma jamoamiz Turkiyada yana bir yig'in o'tkazadi. Terma jamoamiz bosh murabbiyi mazkur yig'indan keyin Osiyo Kubogiga yo'l oladigan futbolchilar borasida bir to'xtamga keladi. Turkiya yig'ini oldidan Ektor Kuper bilan matbuot anjumani tashkil qilinadi. 6 dekabr kuni soat 11:00da O'zbekiston futbol associaciyasi anjumanlari zalida Ektor Kuper bilan matbuot anjumani tashkil qilinadi.

Matbuot anjumani davomida bosh murabbiy jurnalistlarni qiziqtirgan savollarga javob berib o'tadi. Matbuot anjumaniga yurtimizda faoliyat olib borayotgan barcha turdagi ommaviy axborot vositalari xodimlari taklif qilinadi.