- Zohid, qiyin o'tgan uchrashuvda qozonilgan g'alaba bilan tabriklaymiz. Bugungi uchrashuv haqida fikrlaringiz qanday?
- Kutilganidek qiyin o'yin bo'ldi. Biz jamoadoshlarim bilan maydonda borimizni berib harakat qildik. Bellashuvlarga boy tarzda o'tgan uchrashuvda ko'rib turganingizdek 1:0 hisobida g'alaba qozondik.
- Siz ushbu uchrashuvda mezbonlar safida eng yaxshi o'yinchi deb topildingiz. Kelajakdagi rejalaringiz qanday?
- Men har doim o'z oldimga katta maqsadlarni qo'yaman. Hozirgi darajam bilan to'xtab qolmoqchi emasman. Nasib qilsa o'z o'yinlarimni yanada kuchaytirgan xolda Superligada, masalan o'zimizning Farg'ona viloyatidagi Superliga ishtirokchilari – "Neftchi" va "Qo'qon-1912" klublarida o'ynash niyatim bor. Bugungi uchrashuvda muxlislar doimgidek bizni qo'llab-quvvatlab turishdi, men “Yozyovon” klubi muxlislariga shuni aytmoqchimanki, sizlarsiz bizga g'alabalar tatimaydi, siz aziz muxlislar uchun biz futbol o'ynaymiz.
Bekzod Tolibov yozib oldi.
