Зафар Холмуродов ва Муроджон Исмоилов бошчилигидаги жамоалар 1-ўринни эгаллашди

Ғарб минтақасида "Насаф-Фарм" клуби барчадан кўпроқ очко тўплаб, 1-ўринни эгаллади. Ушбу жамоани айни пайтда Қашқадарё футболи афсоналаридан бири Зафар Холмуродов бошқариб бормоқда.  

Шарқ минтақасида эса "Цементчи" клуби биринчи бўлди. Бу жамоада тажрибали Муроджон Исмоилов бош мураббий сифатида фаолият олиб бормоқда.

ФарДУ клуби ҳужумчиси Ризо Айвазов 22 та гол билан чемпионат тўпурари бўлди. "Қизириқ" вакили Дилшод Хушбаков ҳисобида 20 та гол бор. "Насаф-Фарм"дан бир йўла икки футболчида (Шерали Расулов ва Сардорбек Саидов) 16 тадан гол бор. Собиқ тўпурар Зафар Холмуродов ўз шогирдларига қандай кўп гол уришни ўргатаётганига шубҳа йўқ.

Энди Биринчи лигада ҳар бир минтақада дастлабки 4 ўринни банд этган клублар плей-офф босқичида иштирок этишади.