"Ювентус" ва "Милан" клублари "Реал" ҳимоячиси Альваро Одриосола учун курашади, деб хабар берди "Tuttomercatoweb".
Маълумки, "Реал Сосьедад" тарбияланувчиси Карло Анчелоттининг режасига киритилмаган, шунинг учун мадридликлар уни сотишга рози.
"Реал" Одриосолани 2018 йилда харид қилган, аммо у шундан бери "қаймоқранглилар" таркибида бор-йўғи 43 та ўйинда майдонга тушди ва "Бавария" ва "Фиорентина"га ижарага берилди. Футболчининг А Серияда ўйнаш тажрибаси "Ювентус" ва "Милан"нинг қизиқишини уйғотмоқда.
