20 июн 15:54
Янгиликлар

Янги Зеландия - Ўзбекистон учрашуви ҳакамлари аниқ!

Туркияда бўлиб ўтадиган ёшлар ўртасидаги Жаҳон чемпионати эртага старт олади.

Ўзбекистон ёшлар терма жамоаси эса 1-турни 23 июнь (якшанба) куни Бурса шаҳрида Янги Зеландия ёшларига қарши ўтказади. Тошкент вақти билан соат 19:00да бошланадиган ўйинни бошқариб борадиган ҳакамлар аниқланди.

Учрашувни парагвайлик Антонио Ариас бошчилигидаги ҳакамлар бошқариб боришади. Унга қанотларда ҳамюртлари Родней Акино ва Карлос Касереслар ёрдам бериб боришади. Захира ҳаками сифатида гамбиялик Бакари Гассама тайинланди.

Антонио Ариас 1972 йил туғилган. ФИФА ҳаками сифатида 2005 йилдан буён фаолият олиб бормоқда. Ариас 2011 йил Колумбияда бўлиб ўтган ёшлар ўртасидаги Жаҳон чемпионатида 5та ўйинда ишлаган. Улар орасида Мексика ва Фрация ўртасидаги 3-ўрин учун баҳс ҳам бор.

Янги Зеландия (U20) - Ўзбекистон (U20)
23 июнь. Бурса. "Отатурк" стадиони. 19:00
Ҳакам: Ариас Антонио (Парагвай)
Ассистент 1: Акино Родней (Парагвай)
Ассистент 2: Касерес Карлос (Парагвай)
Захира ҳаками: Гассама Бакари (Гамбия)

Уругвай (U20) - Хорватия (U20)
23 июнь. Бурса. "Отатурк" стадиони. 22:00
Ҳакам: Алиум Неант (Камерун)
Ассистент 1: Менкоуанде Эварист (Камерун)
Ассистент 2: Эдиби Питер (Камерун)
Захира ҳаками: Фағони Алиризо (Эрон)

Ҳавола :

Энди янгиликлар телефонингизга келади. Телеграмдаги каналимизга улансангиз бўлгани.

Рейтинг: