- Бугунгидек ёмон ўйнамагандик. Биринчи бўлимда рақиб дарвозаси икки бор ишғол этилди, танаффусдан кейин ўйинимиз «бузилиб» кетди. Бу нима билан боғлиқ эканлигини билмадим. Фикримча, икки асосий футболчимиз – Тўраев ва Ғиёсовнинг йўқлиги ҳам сезилди. Ёки мавсум якунлангани сари ўйинлар ҳам «оғирлашиб» бораётгани билинаётгандир?!
- Зуҳуровнинг жароҳати жиддийми?
- Зуҳуров жароҳатдан кейин ўйинни давом эттира олмади. Жароҳатини қанча муддат даволатишини эртага билиб оламиз. Тахминимча, даволанишга бир ҳафта кетса керак.
- Жамоа сафарда яхши ўйнай олмаяпти...
- Шундай бўлмоқда тўғри. Энди бизни Ўзбекистон Кубоги доирасида муҳим учрашув кутиб турибди. "Бунёдкор" ҳам, АГМК ҳам ўз олдига Кубокни ютиш вазифаси қўйган.
- Терма жамоани бошқаришингиз мумкинлиги ҳақида хабарлар чиқди. Бу сизга халал бермаяптими?
- Миш-мишлар доим бўлган. Бу гап-сўзлар менга халал бермаяпти.
- Яқин вақтлар ичида Равшан Эрматов билан учрашдингизми?
- Эрматов билан учрашдим. Аммо унда терма жамоа масаласи кўтарилмади. Чемпионатда ҳакамлик борасида эътирозларимни билдирдим.
