Улуғбек Бақоев: "Мақсадимиз битта – ҳар бир ўйинга финалдек қараб, майдонга тушиш"

"Ҳаммага хайрли кеч. Наманган менга бегона эмас, бу ерга келганимдан хурсандман. 

Мухлисларни мавсум старти билан табриклайман!

"Навбаҳор" яхши жамоа, ҳар бир чизиғида кучли футболчилар тўп тепишади.

Ўйинга келсак, ҳар икки жамоада яхши вазиятлар юзага келди, биз эса тактик ишланмалар орқали "ёпиқ" ўйин кўрсатишга мажбур бўлдик. Футболчиларимизга алоҳида ташаккур 

билдирмоқчиман", – дейди Улуғбек Бақоев.

Легионер дарвозабон Милан Митрович нега кўринмади?

Унинг қизи бетоб бўлиб қолган, шу боис эртага операция қилинади. Бу ҳаётда асосийси, оила ва болалар. У тезда жўнаб кетишига тўғри келди.

Бугунги ўйиндан нимани кутгандингиз?

"Навбаҳор" тажовузкор ва ҳужумкор ўйин намойиш этишини кутгандик. Ҳисоб 0:0 бўлиб турганида, бизда хавфли ҳолатлар юзага келди, агар уларни муваффақиятли тугатганимизда, ҳисоб 0:1 эмас, ундан каттароқ бўлиши мумкин эди.

"Навбаҳор"ни нимани эвазига мағлубиятга учратдингиз?

Биз кичик имкониятдан унумли фойдаландик, "Навбаҳор" ўйинни назорат қилиб, чиройли ўйнади ҳамда кўплаб хавфли вазиятларни юзага келтирди. 

"Сўғдиёна" олдига қандай вазифа қўйилган?

Мақсадимиз битта – ҳар бир ўйинга финалдек қараб, майдонга тушиш. Қолганини вақт кўрсатади.