"31 mart kuni o'tishi kerak bo'lgan U-20 Jahon chempionati qur'asining bekor qilinishi bir narsani anglatadi: turnir eng kamida 20 may kuni boshlanmasligi mumkin. Eng ko'pida esa, nafaqat boshqa sanalarda, balki, Indoneziyada ham bo'lmasligi mumkin", deb yozadi Nikimbaev.
Shuningdek, navbatdagi yozgan postida u Indoneziya davlati turnirni qabul qilishga tayyor emasligiga shama qilib o'tgan.
"Undan tashqari, U-17 Jahon chempionati ham noyabrda Peruda o'tkazilmasligi mumkin. Peru davlati hukumati tashkiliy qo'mitaga yordam berishdan bosh tortayotgani borasida yozishdi va shu sababli katta ehtimol bilan tutnir boshqa davlatga olib ketiladi.
2019 yilda Peru 17 yoshlilar o'rtasidagi JCHni qabul qilishi kerak edi, ammo davlatning tayyor emasligi sababli turnir Braziliyaga ko'chirilgandi.
Shu sababli Peruga 2021 yilgi turnirni topshirishdi, biroq bu pandemiya sababli bekor qilindi. Ammo ular hatto 2023 yilgi turnirni ham qabul qilishga tayyor emas ekan".
