UZ

Сўнгги янгиликлар

14:16Olamsport: Нурмагомедов - Фергюсон жанги бўлиши мумкин, оғир атлетикачиларимиз йиғинга йўл олишди  0 14:04Футзал. U-20 Осиё чемпионатида чорак финалчилар маълум  1 14:00Себальос Зиданга: "Жаноб, мен ҳам сиз билан ортиқ ишлашни хоҳламайман"  3 13:49Суперлига: 11-тур рамзий терма жамоаси   10 13:30Флорентино Пересдан мастер-класс!  8 13:23Галстукли Абрамов, кўзойнакли Беғамов ва Ҳайдаров. "Бунёдкор" - "Насаф" учрашувидан ГАЛЕРЕЯ  18 13:18МЮ Погба кетган тақдирда Ракитич ва Коутиньони сотиб олади  4 12:50"Фенербахче" Украина терма жамоаси футболчисини сотиб олмоқчи  0 12:45Расмий хабар: Аҳмаджоновдан кейин Омон Ғофуров ҳам ишдан бўшаш ҳақида ариза ёзди  126 12:20"Челси" футболчиси "Интерга ўтиши мумкин  2 12:19Телефон, болалар ва қизил ранг таъқиқланган Европанинг энг машҳур тўйи. Серхио Рамос уйланди  22 11:52"Манчестер Сити" Испания чемпионатидаги дарвозабонни қўлга киритмоқчи  1 11:32Бугун туғилган кунлар, табриклаймиз!  2 11:25Коутиньо ПСЖга ўтиши мумкин  10 11:00Бугун намойиш этиладиган футболга оид кўрсатувлар жадвали (Спорт ТВ, Матч ТВ, Футбол ТВ)  10

Соғлом рақобат керакми ёки сунъий? (таҳлил) Янгиликлар

Соғлом рақобат керакми ёки сунъий? (таҳлил)

ПФЛнинг янги мавсум учун чиқарган регламентидаги баъзи бандлар кўпчиликда саволлар туғдираётгани ҳақида алоҳида тўхталгандим.

Ўша мақолани қуйидаги манзилга ўтиб мутолаа қилиб чиқишингиз мумкин.

ЎФА & ПФЛ ёхуд кўпчиликда савол уйғотаётган регламентдаги банд ҳақида         

ПФЛнинг янги мавсум учун чиқарган регламентидаги мазкур банд билан танишинг:

• Суперлига клублари ўйин қайдномасига 1997 йил ва ундан кейин туғилган камида икки нафар ўйинчини киритиши ва улардан бирини минимум 45 дақиқа ўйнатиши шарт. Мазкур футболчи жароҳат олган ҳолатда ҳали 45 дақиқа ўйнаб улгурмаган бўлса, унинг ўрнига иккинчи ёш футболчи чиқарилиши лозим. Барча ёш футболчилар алмаштирилган бўлса, ёш футболчини ёши катта футболчи билан алмаштиришга рухсат берилади;


Суперлиганинг биринчи турида жамоалар мазкур бандга риоя этган ҳолда таркибда 1997 йил ёки ундан кейин туғилган футболчини асосий таркибга киритишди ва камида белгиланган муддат, яъни 45 дақиқа ўйнатишди. Келинг, мазкур вазиятни биринчи тур мисолида таҳлил қилиб чиқамиз.

Масалан Ҳамид Актамов "Қизилқум" асосий таркибида Беҳзод Ғанижоновни (45 дақиқа ўйнади) ўйнатди ва регламент мажбурияти тугаши биланоқ, яъни биринчи таймдан сўнг айнан мазкур футболчини захирага олди. Ўрнига тушган Шерали Жўраев якунда жамоаси учун муҳим голни урди ва "Қизилқум"ни мағлубиятдан қутқариб қолди. Биринчи бўлимда "Қизилқум"нинг ўнг қаноти деярли ишламади. Айнан Шерали Жўраевнинг тушиши билан чап қанотдаги юкнинг ярми ўнг тарафга ўтди ва мезбонлар ўйинида жонланиш кузатилди.

"Андижон" таркибида регламент мажбуриятини бажариш учун Шаҳзод Убайдуллаев (57 дақиқа ўйнади) ҳаракат қилди. Қизиғи, мураббийлар мазкур футболчини ҳам иккинчи бўлимда алмаштиришди. "Динамо" сафида майдонга тушган Дамир Темиров (67 дақиқа ўйнади) ҳам Файзиев томонидан иккинчи таймда захирага олинди. АГМК сафида регламентдаги банд туфайли асосий таркибда ўйинни бошлаган Шаҳбоз Умаровни (45 дақиқа ўйнади) ҳам мураббий танаффусдан сўнг захирага олишди. "Металлург" эса регламентдаги мажбуриятини Иброҳим Йўлдошев (54 дақиқа ўйнади) орқали бажарди. Шипилов ҳам кўпчилик қатори ўзгаришларни амалга оширишни айнан Иброҳим Йўлдошевни захирага олиш билан бошлади.

Турнинг охирги ўйинида эса "Локомотив" регламентдаги бандни бажариш учун захира футболчиси ҳисобланган Азиз Амоновни (45 дақиқа ўйнади) бошланғич таркибда қўйди ва танаффусдан кейин биринчи ўзгаришдаёқ Амонов ўрнига Ҳусниддин Ғофуров чиқарилди.

Кўриб турганигиздек, Суперлигадаги 6 жамоа ("Андижон", "Қизилқум", "Динамо", АГМК, "Металлург", "Локо") регламентдаги мазкур бандни бажариш учун номига 1997 йилда ёки ундан кейин туғилган футболчиларни туширди. Русча айтганда, "для галочки" ишлаган регламент. Бунинг натижасида соғлом рақобатга путур етмоқда ва жамоаларнинг натижаларига бу ҳам ўз таъсирини кўрсатмоқда. Мураббийлар режаси ва асосий таркиб мувозанатини бузмоқда. ОТЖ манфаатини ўйлаб қилинган мазкур иш, калта ўйланган масала натижасида МТЖнинг эҳтимолий понтенциал номзоди ўз жамоаси сафидаги ўйинларни захира ўриндиғида бошлашга мажбур бўлмоқда. Унинг футбол ўйнашга бўлган истаги, хоҳиши ва мотивациясини ўйлайдиган, футболга тушунадиган мутахассислар наҳотки қолмади, деган саволлар туғилмоқда.

Қуйида регламент мажбуриятларини бажариш учун номига 1997 ёки ундан кейин туғилган футболчиларни ўйнатган ва кейин захирага олган жамоалар ҳақида тўхталиб ўтдим. Энди танганинг иккинчи тарафи, соғлом рақобат мевасини яққол кўрсатиб турган жиҳатга эътибор берамиз.

Масалан "Насаф" учун мазкур регламентнинг иссиқ ёки совуғи йўқ. Чунки жамоа азалдан ёшларга эътибор бериб келади ва жамоанинг ҳозирги ўзаги буткул тарбияланувчиларидан ташкил топган. "Насаф"да нафақат жамоа ўзаги ёшлардан ташкил топган, балки ҳозиги ОТЖ ҳам аслида "Насаф" ўзаги туфайли кучлироқ кўринмоқда. Друлович бошқараётган ОТЖ таркиби билан қаршиликлар жамоаси таркибини деярли фарқи йўқ. ПФЛ жорий қилган регламентга тушадиган футболчилар, масалан Бобир Абдихолиқов ёки Рашидхонов сингари кўплаб ёшлар аввалдан жамоанинг асосий таркиб футболчиси саналган.

Ёки "Бунёдкор"ни  мисол қиламиз. Мазкур жамоа таркиби ҳам ёшлардан иборат ва бунда мураббийлар регламентдаги мажбуриятни бажаришни ўйлашларига ҳожат йўқ. Чунки ПФЛ жорий қилган мазкур бандга тушадиган футболчилар азалдан бу жамоада бўлган. Жиззахнинг "Сўғдиёна" жамоаси ҳақида шу фикрни илгари суриш мумкин. Яъни, жамоа устози Сергей Лушан ёшларга ишонадиган мутахассис ва жиззахликлар сафида ўтган йилдан буён 1997 ёки ундан кейинги йилларда туғилган футболчилар ўйнаб келишмоқда.

"Пахтакор"га тўхталадиган бўлсак, Хожиакбар Алижонов ўтган йилдан буён жамоанинг асосий таркиб футболчиси ролида пайдо бўлган. Арвеладзе бу ёш футболчига анчадан буён ишониб келади ва ОЧЛ баҳсларида ҳам Алижонов ўзининг меҳнати ва соғлом рақобатда ютиб чиққани туфайли бошланғич таркибга муносиб эканлигини исботлаган. "Бухоро"да ҳам ўтган мавсумдан бошлаб асосий таркиб футболчисига айланган Беҳруз Шодмонов ва Асадбек Собиржонов (87 дақиқа ўйнади) ўйин якунига яқин алмаштирилди. Яъни, мазкур футболчилар табиий равишда рақобатда ютиб чиққани учун ҳам мураббий ўзгаришсиз ўйнатди. Собиржонов эса жароҳати туфайли баҳс якунида ўз ўрнини бўшатди.

"Навбаҳор" таркибида Остон Ўрунов ҳақида ҳам шу фикрни илгари суриш мумкин. Ўрунов 2 йил илгари жамоанинг асосий таркиб футболчиси эканлигини исботлаган ва мазкур банд чиқишидан анча аввал мавсум кашфиётига айланганди. Ёки "Сурхон"да биринчи турда регламент мажбуриятини бажариш учун туширилган Ҳусниддин Ғофуров "Нефтчи"даги ўйинлари орқали асосий таркиб футболчиси бўлиб етишганини ўтган мавсумда кўрганмиз. Бу футболчи ҳам айнан рақобатга ютиб чиққани учун асосий таркибда мунтазам ўйнаб келади. Яна мисол тариқасида "Қўқон-1912" сафида ўйнаган Ойбек Рустамовни айтиш мумкин. Ойбек Рустамовни мухлислар анча яхши билишади ва бу футболчи ўтган йилдан буён асосий таркибнинг муҳим аъзоларидан бирига айлангани ҳеч кимга сир эмас.


Фактлар билан келтириб ўтилган мазкур жиҳат регламентдаги ушбу мантиқсиз банд аслида ҳеч қандай наф келтирмаслигини ойдинлаштирмоқда. Яъни, чемпионатдаги тенг ярим жамоада азалдан катта футболга кириб келган ва ўз меҳнати билан ҳеч қандай банд йўқ пайтда соғлом рақобат орқали ўз ўрнини асосий таркибдан топган футболчилар ҳамда номига ўйнатилган ва якунда биринчилардан бўлиб захирага олинган футболчиларни мисол қилиб кўрсатдим.

Регламентдаги мазкур банд мураббийларга ортиқча муаммо ва таркибни аниқлашда сунъий рақобат юзага келтирмоқда. Масалан "Қизилқум"да мунтазам барқарор ўйнаб келаётган ва асосий таркиб футболчиси саналган Шерали Жўраев энди чемпионат ўйинларида ўз пайтини захирада кутишга мажбур бўлмоқда. Ёки АГМК сафида ОЧЛда ҳам асосий таркибда тушган ва Суперлигада автоматик равишда ўз ўрнини Шаҳбоз Умаровга бўшатаётган Пиримовга мураббий қандай мотивация беради? Унинг футболга бўлган чанқоғи сўнмаслигига ким кафолат беради? Ёки "Металлург" жамоани кучайтириш учун олиб келган Баҳром Абдурахимов хизматларидан доим иккинчи бўлимда фойдаланишга мажбур бўлиб қоладими? Ачинарли тарафи шуки, мазкур футболчилар рақобатда ютқазаётгани учун захирада ўз ўрнини кутиб ўтиришгани йўқ. Балки регламентдаги мантиқсиз банд қурбонига айланишмоқда.

Яна бир ёмон тарафи шундаки, ҳеч бир жамоанинг барча чизиқларида 1997 ёки ундан кейинги йилда туғилган футболчилар йўқ. Яъни, "Локомотив"да Аваз Ўлмасалиев ёки Азизбек Амоновдан бошқа асосий таркибда ўйнаши мумкин бўлган футболчи йўқ. Натижада ОЧЛда ҳам жамоанинг бошланғич таркиб футболчиси бўлган Ҳусниддин Ғофуров Суперлига ўйинларида захирага михланмоқда. Ёки иккинчи вариант Ўлмасалиев. Бунда "Локо"даги таянч нуқтаси вакили Жокич ёки Авазнинг ҳимояда ўйнаши мумкинлиги эътибори билан Тўхтахўжаев ёки Исмоилов регламент қурбонига айланиб қолиши мумкин. Шу тарафлама айнан ўша нуқтада регламент мажбуриятларига мос тушадиган футболчиси бор жамоанинг ўша позицияда ўйнайдиган бошқа вакилига жуда қийин бўлади. Чунки унинг асосий таркибдан жой олиш ёки олмаслиги ўзига боғлиқ масала эмас. Ёмони шу аслида. Ёшларга имконият берамиз деб қилинган мазкур иш натижасида мавжуд футболчиларни йўқотиб қўйиш ва ёшларни рақобатсиз асосий таркиб футболчисига айлантиришдан нима наф, тушунмаяпман.

Зўри, истеъдоди бори мана "Пахтакор"да бўладими, ўз олдига юқори мақсадлар қўяётган "Навбаҳор"ми ёки "Насаф"дами фарқи йўқ, керак пайтда Остон Ўрунов, Алижонов ёки Абдихолиқов каби ёриб чиқиб келаверади. Биз футболимиз келажагини кучли рақобатда пишган ва ўша "олов"дан чиқиб келган ёшларга ишонмоқчимизми ёки сунъий равишда ўйин амалиёти олаётган футболчилар керакми бизга?

Наҳотки шуни тушунадиган мутахассис қолмади бизда? Яққол мисол ҳозирги ОТЖ! Кўзимизни очайлик, ҳурматли ЎФА мутасаддилари...

Соғлом рақобат тарафдорлари мазкур масалага тўғри ечим топиб, керакли хулосага келишларига ишонгиси келади одамнинг. Бошқа гапга ҳожат йўқ.

Муаллиф : Shahboz Beg'amov
Рейтинг: +42   

Фикрлар

+8   
18 мар 16:03:49
Икболжон Уринов
Birinchi davra otsinchi keyin bilamiz foyda yoki xato ekanligini hozircha bir nima deyish qiyin
+8   
18 мар 15:38:12
BarsAndijon
Хар ишда бир хикмат бор уйин амалиёти хар кандай футболчига фойдадан холи эмас ПФЛ карори тугри деб уйлаймиз.про лигада курдик ёш уйинчилар вакт утиши бн узларига булган ишонч ортганини
+7   
18 мар 16:17:47
Xurshid Jumaev
Bu bandni taxlil qilish uchun manimcha 10ta tur utishinj kutish lozim . Balki usha 45minut uynagan bola 10ta turdan keyin uz urnini topar. Begamov suvni kurmasdan yechinmang
+7   
18 мар 16:03:49
shakh(myu)
zo'rma zo'raki reglamentni bajaradigan klublar,sekin asta mavsum avvalidan boshlab reglamentda keltirilgan yoshdagi uyinchilarni qidirishni boshlaydi va Paxtakor Nasaf Bunyodkor kabi jamoalardan ortda qolmaslik uchun mavsum avvalidan nima qilmoqchiligini o'ylab oladi.Demoqchi bo'lganim bundan buyogiga bu reglament o'zgartirilmasligigi kk.Natija kk mi?Bitta uyinchini quruq 45 daq. uynatish yoqmayaptimi,marhamat,yil boshidanoq asosiy jamoaga raqobat tugdiradigan uyinchi izlawsin,seleksia qiliwsin.Reglament bulmasa qarib,k*ti uziga ogirlawib qolgan uyinchilar 50 kirsayam uynab yuravuradi,lekin ulardan O'sishni kutish ilojsiz,yosh bola busa rivojlanadi,kk busa malum miqdorda moddiy yordam ham qilib ketadi klubiga
+7   
18 мар 15:37:53
Otabek Juraev
Кўриб турганигиздек, Суперлигадаги 7 жамоа ("Андижон", "Қизилқум", "Динамо", АГМК, "Бухоро", "Металлург", "Локо") Manimcha "Бухоро" сафида ўйнаган Асадбек Собиржонов (87 дақиқа ўйнади) ўйин якунига қадар алмаштирилди 87 daqiqa nomiga o'ynamagan bo'lsa kerak har xolda.
+5   
18 мар 16:56:12
James Maddison
Shahboz Begamov nega yoshlarni yerga uroradi? Oldin ham shunaqa maqola chiqargan edi. Shahboz Begamovni boshida xurmat qildim. Lekin bunday maqolalar uning xurmatini to'kadi. PFL to'g'ri siyosat olib boryapti. Liverpul 17 yoshli futbolchini 70 minut o'ynatdi. Nega biz 21 ga kirgan yoshlarimiz 45 minut o'ynata olmasak? Bu sharmandalik-ku!!!
+5   
18 мар 16:30:49
Neytral muhlis
Drulovich aytganiday bu faqat uning yurtida emas deyarli barcha yevropa davlatlarida amalga oshgan va foydasini bergan. Buning uchun yevropa futboli bilan yaxshilab tianishib chiqishning o'zi yetarli. 5-10 yilda bu qonun avtamatik tarzda yo'qoladi. Chunki klublarimiz anglaydiki foyda ko'rishning asosiy yo'li shu hozirgi zamon futboli bu biznes. Bozorda har doim yangi va ko'p ishlatilmagan tavarning savdosi yaxshi bo'ladi.
Klublarimizga qachongacha Viloyat hokimiyati yoki davlat idoralari homiylik qiladi. Klub boy bo'lsa homiylarham o'zi keladi.
+4   
18 мар 20:25:57
futbolplus
Алижонов ҳақиқий боец, бир вақт ўйлаб қоламан ёши урилмаганмикан, деб? Лекин, ҳаммаси жойида. Беғамов ёзганида жон бор. Клублар 1 ёки 2 та ёш футболчиларни зўраки олишди, энди ўша позициядаги энди уровенига чиққан футболчи ярим тайм лавкадан ўтиради.

Агарда, ПФЛ клублар ёшларга эътиборини кучайтирмоқчи бўлса бошқа йўллар бор.

Шунақа аксиома бор, нима нарса зарпет қилинса ёки мажбурланса у фойда келтирмайди. Бошқа йўлини излаш керак.
+4   
18 мар 20:20:25
futbolplus
Ш.Беғамов: "Фактлар билан келтириб ўтилган мазкур жиҳат регламентдаги ушбу мантиқсиз банд аслида ҳеч қандай наф келтирмаслигини ойдинлаштирмоқда. Яъни, чемпионатдаги тенг ярим жамоада азалдан катта футболга кириб келган ва ўз меҳнати билан ҳеч қандай банд йўқ пайтда соғлом рақобат орқали ўз ўрнини асосий таркибдан топган футболчилар ҳамда номига ўйнатилган ва якунда биринчилардан бўлиб захирага олинган футболчиларни мисол қилиб кўрсатдим".

250% қўшиламан.
+4   
18 мар 18:57:16
CR7
Шахбозжон, бу гаплариз бир томондан тўғри, клубла манфаати 2-ўрингга қўйилвотгандир балки. Лекин айнан клублани ўйлаб 92, 93, 94, 96 йилларда тўғилган олтин авлодаримизадан том маънода айрилдик, билакс ёшларимизаданам айрилдик, клубларимизаям ривожланиб кетмади. Ўша пайтладям айнан Бош мураббийла клубини ўйлавотти ёшлани туширишмаяпти дб силаям ёзардила. Регламентти тўғри ёки нотўғрилигини олимпиячиларимизани саралшдиги иштирокиданам билсак бўлади. Клублага кесе ула азалдан қўпол қилиб этганда текинхўр ташкилотла, довлатга фойдаси йок, качонки клубларимиза хусусий бўса, ўшанда хаммаси профи бўлади. Сиззи "матиқсиз банд" ва тузуро мутахссис неужели қомаган дган кесатиқ гаплариздан фақат нафрат уфуриб турганини сезиш мумкин. СА қанақа қилиб тескари б.б қоган УФА билан билмадику лекин, сила фақат ёмон тарафлани гапириб, кесатиб, вазиятти чигаллаштириб, муҳлисла билан УФАни тескари қивоссила холос.
+4   
18 мар 16:46:30
Baxrom 82
Beg'amov agar klublarni shunaqa yo'l bn yoshlani o'ynatishga majbur qilmasak o'rtamiyona jamoalar bir mavsumlik jamoalarga aylanib qoladi chunki ulani akademiyasi yo'q bosh og'rig'i yo'q xar yili davlat xomiyla bergan pulni tugatip keyingi yilga yana boshqa jamoa tuzib maqsadsiz jamoaga aylanishadi shuning uchun bu jamoalaga reglament bn tasir ko'rsatmasa boshqa ilojisi yoq chunki bu jamoalani asosan natija qiziqtiradi g'alaba uchun mukofot pulini olsa bo'ldi yoshlani tarbiyalash yoki MTJga nomzod yetishtirish bn umuman ishi yo'q shunga bu qaror tepsa tebranmaslaga chiqarilgan JUDA TO'GRI QAROR
+4   
18 мар 16:35:50
Sardor_Mirzaev94 fanat CR7
Hammani o'z shaxsiy fikri bor, shunday ekan seni fikring undoq yoki bundoq degandan foyda yo'q, sizning ham fikringizga hurmat saqlagan holda shuni aytishim mumkinki, bizni mintalitetimizda dangasalik bor va bizni majbur qilishmagancha ishlamimiz, shunday ekan federatsiyaning bu qarorini tog'ri deb bilaman, balki bu strategiya bu yil bilinmas ammo bu kelajakda, kelajakdagi turli yoshli terma jamoalarimiz uchun foydali boladi, shuningdek mahalliy skautlarni harakatga kelishiga turtki boladi menimcha!
22-yosh va undan kichiklar bizni hayolda yosh hisoblanadi ammo Mbappe o'z o'rnida Pogbalar 17-18 yoshligidan nimalar qilib kelayapti!!! Bular shunchakiy shaxsiy fikr!
+3   
18 мар 19:10:41
James Maddison
Man Yoshlarimizni imkoniyatlarini cheklaydigan har qanday fikrlar va maqolalarga qarshiman. Qariganimda ham YOSHLARni tarafini olaman. Chunki biz muhlislar ularga g'amxo'rlik qilmasak. Katta insonlar yoshlarimizni yo'lini to'saverishadi. Maqol: .... kichigi bo'lguncha, ...
+3   
18 мар 19:02:31
Abduxamid
Бир қарашда тўғри фикр. Лекин атайдан кир қидиравермаслик керак. Муаммони кўтариб чиқдингми, уни ечишга қаратилган ўз таклифингни ҳам бериб кет. Бир тарафлама ўйлашлик - ғаразгўйликдан бошқа нарса эмас!
+2   
18 мар 17:46:33
Net familiya
Spam
championat.asia
< сўнгги янгиликларни кўриш
������.�������

CA ни Facebook да ўқиш
учун "Yoqdi"ни босинг