Фермин ва Муссо тўқнашуви ҳақида (25-дақиқа):
"Бу вазиятда Ферминнинг ўзи Муссонинг оёғига бориб урилди. Дарвозабон зарбани тўсиш учун оёғини чўзган эди, аксинча эмас. Тюрпен вазиятни тўғри таҳлил қилди — бу ерда пенальти йўқ".
Ферран Торреснинг бекор қилинган голи ҳақида (55-дақиқа):
"Ферран офсайдда эди. Тўп унга Лангледан рикошет орқали келган бўлса-да, бу ҳолат "Барселона" футболчисини ўйиндан ташқари ҳолатдан чиқармайди. VAR ёрдамида гол ҳаққоний бекор қилинди".
Эрик Гарсиянинг четлатилиши ҳақида (79-дақиқа):
"Гарсия дарвоза томон чиқиб бораётган ва Кундедан сезиларли устунликка эга бўлган Серлотни йиқитди. Бу — қизил карточка".
Жоан Гарсиянинг жарима майдончаси ташқарисидаги ўйини ҳақида (91-дақиқа):
"Гарсиянинг ҳаракати хавфли нуқтада юз берди. "Барселона" посбони Баэнанинг зарбасидан сўнг тўпни қўли билан ушлаб олди. Аммо бу жарима майдончаси ичидамиди ёки чизиқ ташқарисидами? Бу очиқ қолаётган савол", — деб ёзди Фернандес.
Эслатиб ўтамиз, ушбу баҳсда "Барселона" ғалаба қозонганига қарамай, икки ўйин натижасига кўра (2:3) мусобақадаги юришини тўхтатди. Диего Симеоне бошчилигидаги "Атлетико" эса ярим финалга йўл олди.
