- Biz har bir o'yinga jiddiy hozirlik ko'rmoqdamiz. Mazkur bellashuv ham bundan istisno emas. “Qo'qon-1912”ga qarshi uchrashuv qiyin kechishini bilamiz. Raqib chiroyli futbol namoyish etishni xush ko'radigan jamoa. Ular to'pni nazorat qilish va futbolchilarning individual mahorati yordamida hujumkor o'yin ko'rsatishga urinishadi.
Biz esa doimgidek muxlislarimizga hujumkor futbol namoyish qilishga vada beramiz. Umid qilamanki, stadionda bizni ko'plab ishqibozlar qo'llab-quvvatlab turishadi. Ularning ko'magini hamisha his qilamiz. Uydagi uchrashuvlarni ularning tashrifisiz tasavvur qila olmaymiz.
