Шоҳруҳ Ишанов: "Олимпик"нинг тажрибаси биздан анча юқори, буни ҳисоб кўрсатиб берди"

- Ўйин ҳақида

- "Олимпик"ни ғалаба билан табриклайман. Танаффусдан кейин биринчи ўйинимиз. Янги йигитлар бор таркибда. Бугун уларни кўздан кечирдик. "Олимпик"нинг тажрибаси биздан анча юқори, буни ҳисоб кўрсатиб берди. Бизга осон бўлмади, лекин ҳаракат қилишда давом этамиз. Шу хатолар бизга кейинчалик ёрдам беради.

- Икки хил тайм. Биринчи тайм жуда ёмон ўтди, иккинчи бўлимдан олдин йигитларга нима дедингиз?

- Қайтараман, бизда янги футболчилар. Биринчи бўлимда уларни синаб кўрдик. Тўғри, машғулотлар бўлганди, аммо ҳақиқий ўйинда уларни энди синаб кўрдик. Иккинчи бўлимда эса улар бир-бирларини тушунишни бошлашди. Иккинчи таймда ўйнаган йигитлар жамоада аввалдан ҳаракат қилиб келишарди.

- Танаффусда йигитларга нима дедингиз? Танбеҳ бердингизми?

- Йўқ, биз йигитларга ундай қилмаймиз. Майдонга чиқиб, ўз ўйинингизни кўрсатинг дедим уларга. Улар майдонга чиқишди ва иккинчи бўлимда бор кучлари билан ҳаракат қилишди. Уларга бу учун раҳмат айтаман.