"Манчестер Юнайтед" клуби ҳужумчиси Маркус Рэшфорд Англия Лига кубоги финалини ўтказиб юбориши мумкин. Футболчи "Барселона"га қарши ЕЛ ўйининг 88-дақиқасида жароҳати сабаб алмаштирилганди.
"Рэшфорд майдонга тушадими, йўқми билмайман. Биз текшириш ўтказишимиз керак. Кеча текширув ўтказгандик, аммо ўйиндан кейин жуда кам вақт ўтди. Шунинг учун ҳеч нарса деб бўлмайди. Аниқ ташхисни кутишимиз керак", -дейди Эрик тен Хаг.
Маълумот учун, 26 февраль куни соат 21:30 "Манчестер Юнайтед" ва "Ньюкасл" ўртасида Лига кубоги финали бўлиб ўтади.
