"Реал" Хамесни сотишни режалаштирмоқда. Унинг трансфер нархи ҳам аниқ

El Confidencial’нинг хабар беришича, “Реал” биринчи навбатда Хамес Родригесни трансферга қўймоқчи. Колумбиялик футболчи 2017 йилдан бошлаб мюнхеннинг “Бавария” клубида  ижара асосида ҳаракат қилиб келаётганди. “Қизиллар” ярим ҳимоячининг ижараси учун “бланкос”лар ҳисобига ҳар йили 6,5 млн. евродан ўтказиб берган. Агар мюнхенликлар Хамесни сотиб олишни истаса, унда “Реал” ҳисобига яна 42 млн. ўтказиб бериши керак бўлади.

Манбанинг маълум қилишича, Хамес Родригеснинг бошланғич трансфер суммаси 60 млн. еврони ташкил қилади. “Бавария” жорий йилнинг ёзида 27 ёшли хавбекни келажаги борасида якуний қарорга келади.