Қозоғистонда биринчи босқич тугади. "Актобе" ва "Иртиш" кучли олтиликда

Биз ҳамюртларимиз иштирокидаги ўйинларга эътибор қаратамиз.

"Актобе" бош мураббийи Европа лигасидаги ўйинлар туфайли кетма кет иккинчи бор премьер лига ўйинига иккинчи таркибни тушурди. Шу боис Владимир Фомичев устозлик қилаётган "Восток" сафарда якка пешқадамни таслим қилди. Темур Кападзе 35-дақиқада, Александр Гейнрих эса 58-дақиқда захирадан майдонга тушишди. Марат Бикмаев эса ҳамон жароҳатини даволамоқда. "Актобе" дастлабки босқични 47 очко билан биринчи ўринда тугатди.

АКТОБЕ - ВОСТОК - 0:1 (0:1)
Гол: Алиев, 36 (0:1).

"Иртиш" эса ўз уйида "Ордабаси"ни қабул қилиб ғалаба қозонди - 2:0. Учрашувда иккала ҳамюртимиз асосий таркибда тушишди ва алмаштирилишди. Мурзоев 46-дақиқада, Бақоев эса 78-дақиқада захирага олинди. "Иртиш" 34 очко билан босқични 4-ўринда тугатди.

ИРТИШ - ОРДАБАСИ - 2:0 (1:0)
Голлар: Кулибали, 40 (1:0). Аверченко, 89 (2:0).

"Жетису" эса сўнгги турни ўз майдонида "Қайрат"га қарши ўтказди ва дуранг қайд этди - 0:0. Руслан Мелзиддинов учрашувни тўлиқ ўтказди. Шавкат Саломов эса 80 дақиқа ҳаракат қилди. "Жетису" 22та ўйинда 21 очко тўплади ва кучли олтиликка кира олмади.

ЖЕТИСУ - КАЙРАТ - 0:0 (0:0)

Энди кучли олтиликка кирган клублар чемпионлик учун курашни олиб боришса, қолган олти клуб премьер лигада қолиш учун курашишади. "Актобе" иккинчи босқични 24 очко билан, "Иртиш" эса 17 очко билан бошлашади.

"Жетису" эса 11 очко билан премьер лигада қолиш учун курашади.