Қатарлик журналист: "Эрон ва Қатар терма жамоалари мундиалга тўғридан-тўғри йўлланмани қўлга киритишади. Ҳозирги кундаги Қатар таркиби Ўзбекистонникидан кучлироқ"

"Турли хил терма жамоалар бир гуруҳдан жой олди. Қизиқарли ўйинлар гувоҳи бўлишимиз аниқ. Ҳар бир жамоа ўз уйида максимал очко тўплашга ҳаракат қилади. Эрон, Ўзбекистон ва КХДР терма жамоалари Қатар учун бош оғриқ вазифасини бажариб беради. Айниқса сафардаги ўйинларда, лекин терма жамоамиз барчани рақибларни мағлуб эта олишига ишонаман. Қатар биринчи ўринни эгаллаши ҳам мумкин. Осиё кубогидаги ғалабадан сўнг кайфият янада кўтарилган. Акром Афиф ва бош мураббийимиз Маркес Лопесларнинг фикрлари бўйича жамоада барчаси аъло даражада. Гуруҳда учта асосий рақиб: Эрон, Ўзбекистон ва БАА терма жамоалари деб ўйлайман, лекин энг мураккаб рақиб Ўзбекистон. Осиё кубогидаги асабий ўйин барчанинг ёдида. Эрон ва Қатар жамоалари тўғридан-тўғри мундиалга йўлланмани қўлга киритса керак. Қатарнинг таркиби Ўзбекистондан кучлироқ ва шу сабабли Лопес жамоаси Жаҳон чемпионатига биринчилардан бўлиб йўл олади. Ўзаро ўйинлардаги статистика эса Ўзбекистон томонида. Сизнинг терма жамоангиз биз учун ҳар доим ноқулай рақиб бўлган, аммо сўнги учрашувда ушбу нохуш анъанага чек қўйдик. Фақатгина Ўзбекистонга қарши кечадиган сафар учрашуви мени хавотирга солмоқда" - дея фикр билдирди қатарлик таниқли спорт журналисти Али Салат

Абдулвосит Бектемиров суҳбатлашди