Қатарга омад кулиб боқмоқда. Улар Европада ўйнайди
23 мар 2021 14:05
Янгиликлар

Қатарга омад кулиб боқмоқда. Улар Европада ўйнайди

Қатар терма жамоаси ЖЧ саралаш босқичининг Европа минтақасида ҳам иштирок этади.

Жамоа бош мураббийи Феликс Санчес бўлажак учта ўйин учун 28 нафар футболчини таклиф этди. Маълумот учун, Қатар терма жамоаси "A" гуруҳида баҳс олиб боради ва дастлабки 3та учрашувни Люксембург (24 март), Озарбайжон (27 март) ва Ирландия (30 март) терма жамоаларига қарши ўтказади. Лекин бу жамоа қайд этадиган натижалар инобатга олинмайди.

Барча учрашувлар марказлашган тартибда Венгриянинг Дебрецен шаҳрида бўлиб ўтади. Хабарингиз бор, Қатар ЖЧ-2022 мезбони ҳисобланади ҳамда Осиёдаги саралаш баҳсларида Осиё Кубоги-2023 йўлланмаси учун кураш олиб бормоқда. Улар ўртоқлик ўйинлари ўрнини ёпиш мақсадида Европа минтақасида ўйнашга қарор қилган.