UZ

Сўнгги янгиликлар

03:15АПЛ. "Манчестер Юнайтед" Мактоминейнинг дубли эвазига "Челси"ни мағлуб этди  9 03:10АПЛ. "Ман Сити" меҳмонда "Астон Вилла"га минимал ҳисобда мағлуб бўлди  7 02:45АПЛ. "Брайтон" ва "Борнмут"да ғалаба, "Фулхэм" 5та гол урди  0 02:42Coca Cola Суперлигаси. Иккинчи давранинг эсда қоларли лаҳзалари  1 02:40АПЛ. "Ливерпуль" меҳмондан 3 очко билан қайтди  0 00:55Инфантино Мессининг 2026 йилги Жаҳон чемпионатида иштирок этиши борасидаги саволга жавоб берди  4 00:28АПЛ. "Манчестер Юнайтед" – "Челси", "Астон Вилла" – "Манчестер Сити". Бошланғич таркиблар аниқ!  2 00:20Букайо Сака топ-5 чемпионатлардаги энг яхши ассистент бўлиб турибди  0 23:56АПЛ. "Шеффилд Юнайтед" – "Ливерпуль". Бошланғич таркиблар аниқ!  1 23:16Томиясу узоқ муддатга сафдан чиқди. Артета буни тасдиқлади  1 22:50Лопетеги "Ал Иттиҳод"нинг 18 млн евролик таклифини рад этгани маълум бўлди  0 22:10"Интер" "Удинезе"га қарши учрашувда "Трансформерлар" логотипи туширилган футболкаларда ўйнайди  1 21:50Араухонинг калла суягида дарз кетиш аниқланди. Футболчи "Атлетико"га қарши ўйинда бошидан зарба қабул қилиб олганди  5 21:10Расман: Карлуш Кейруш Қатар терма жамоасидан истеъфога чиқарилди  16 20:47Харри Магуайр АПЛда ой ўйинчиси деб топилди  8

Президент ёш футболчилар ва соҳа мутахассислари билан учрашди Янгиликлар

Президент ёш футболчилар ва соҳа мутахассислари билан учрашди

Давлатимиз раҳбари Юқори Чирчиқ туманида барпо этилётган Футбол бўйича миллий терма жамоалар марказини бориб кўрди.

Бу марказ Халқаро футбол федерациялари ассоциацияси (ФИФА) билан ҳамкорликда ташкил этилмоқда. Ҳозирда 8 минг ўринли стадион қурилган. Яна 7 та машғулот майдони, пляж футболи майдони, футзал манежи, бассейн, реабилитация мажмуаси ва ётоқхоналар қурилиши режалаштирилган.

Соҳа мутасаддилари билан суҳбатда миллий футболимизга хориждан малакали техник директор олиб келиш, футбол тузилмасини ривожлантириш масалалари муҳокама қилинди. Қорақалпоғистон, Қашқадарё, Жиззах, Наманган ва Тошкентда минтақавий базалар ташкил қилиш, мураббийлар мактабини такомиллаштириш бўйича топшириқлар берилди.

Президент ёшлар орасида футболни янада оммалаштириш, уларга шароит яратиш масалаларига алоҳида эътибор қаратди.

- Ўзбекистонда футбол энг севимли спорт тури. Ҳар ўнта одамдан тўққизтаси унинг мухлиси деса бўлади. Бу оммавийликдан фойдаланиб, футболни тубдан ривожлантириш керак. Масалан, юртимизда 10 мингта мактаб бор, 208 та туман-шаҳар бор. Хўш, мактаб, маҳалла, жамоаларда футбол қандай бўлади? Иккинчидан, футболга меҳр қўйган болалар ўз йўлини топиши учун нима қилишимиз керак? Учинчидан, ёшлар футболдан кетгандан кейин нима билан шуғулланади, уларга қўшимча касб-ҳунар беришни ҳам ўйлаш зарур, - деди Шавкат Мирзиёев.

Давлатимиз раҳбари ёш футболчилар билан ҳам суҳбатлашди.

- Халқимизнинг спортга меҳри кучли. Айниқса, футбол «оилавий дўстимиз». Миллий терма жамоамиз ўйинларини ҳаммамиз ғурур, фахр, ҳаяжон билан кузатамиз. Сизлар оилада ота-онангизнинг фарзанди бўлганингиз билан майдонда халқимизнинг фарзандисизлар. Ана шуни доим ёдда тутинг, - деди Президент.

Футболчиларда Ватан туйғусини шакллантириш муҳимлиги ҳам таъкидланди.

- Футболчилар дунё кезади, чет эл жамоаларида ўйнайди. Улар Ўзбекистон тарихини, шароитларини яхши билиши керак. Улар бизнинг элчиларимиз, болаларга намуна, - дея таъкидлади давлат раҳбари.

Футбол тиббиёти ва реабилитациясини жаҳон ютуқлари асосида ривожлантириш масалалари ҳам кўрсатиб ўтилди.



Рейтинг: -21   
championat.asia
< сўнгги янгиликларни кўриш
Яндекс.Метрика