Ушбу ўйинда эмоционал воқеа юз берди.
Захирадан майдонга тушган польшалик Дарек Формелла учрашувнинг 81-дақиқасида гол урди ва ҳисобни 2:1 кўринишига келтирди. 23 ёшли ҳужумчи голдан сўнг бир неча қадам ташлаб, майдонга тиззаси билан ўтирди ва йиғлаб юборди.
Маълум бўлишича, учрашувдан 3 соат олдин унинг отаси рак касаллиги туфайли оламдан кўз юмган экан. Футболчи бу ҳақида ҳеч индамади. Формелла гол урганидан сўнг майдоннинг ўзида трагедия ҳақида жамоадошига айтиб берди.