Joriy mavsumda “qaldirg'ochlar”ning ukrainalik hujumchisi Oleksandr Pishur o'zining to'purarlik qobiliyatini namoyish qilib, bu borada chempionat yetakchilaridan biri bo'lib turibdi. U “Bunyodkor” safida Osiyo Chempionlar ligasi, O'zbekiston chempionati va kubogi uchrashuvlarini qo'shib hisoblaganda jami 33ta uchrashuvda ishtirok etib, raqiblari darvozasiga 24ta gol urishni uddaladi. Foiz ko'rsatkichi bo'yicha hisoblaganda u maydonga tushgan o'yinlarining 73%ini golsiz o'tkazmagan.
Oleksandr Pishurning “Bunyodkor” safidagi umumiy gollari soni 24taga etganini aytib o'tdik. Bu ko'rsatkich bilan u ikki mavsum oldin “qaldirg'ochlar” sharafini himoya qilgan Milosh Trifunovichni ortda qoldirdi. O'shanda serbiyalik hujumchi 36ta o'yinda 22ta gol urishni uddalagan edi.
Foizlar ko'rsatkichi borasida Stevica Ristichga etadigani yo'q. U o'zi ishtirok etgan 75% uchrashuvlarda raqib darvozabonlarini hafa qilgan. Yani, makedoniyalik hujumchi 24 uchrashuvda 18ta gol urishga muvaffaq bo'lgan.
“Bunyodkor” jamoasining umumiy to'purarlari ro'yhatini Anvarjon Soliev 65ta goli bilan boshqarib bormoqda. U shuncha golni 158ta o'yinda kiritgan.
“Bunyodkor” to'purarlari | |||||
# | Futbolchi | Mamlakati | O'yin | Gol | Foiz |
1 | Anvarjon Soliev | O'zbekiston | 158 | 65 | 41% |
2 | Rivaldo | Braziliya | 80 | 43 | 54% |
3 | Server Jeparov | O'zbekiston | 104 | 38 | 37% |
4 | Viktor Karpenko | O'zbekiston | 202 | 38 | 19% |
5 | Shavkat Salomov | O'zbekiston | 160 | 30 | 19% |
6 | Xose-Luis Vilyanueva | Chili | 47 | 27 | 57% |
7 | Oleksandr Pishur | Ukraina | 33 | 24 | 73% |
8 | Milosh Trifunovich | Serbiya | 36 | 22 | 61% |
9 | Stevica Ristich | Makedoniya | 24 | 18 | 75% |
10 | Timur Kapadze | O'zbekiston | 106 | 17 | 16% |
11 | Jasur Hasanov | O'zbekiston | 186 | 17 | 9% |