Пишур тўпурарлик борасида Трифуновичдан ўтиб кетди
10 окт 2013 18:28
Янгиликлар

Пишур тўпурарлик борасида Трифуновичдан ўтиб кетди

Тошкентнинг “Бунёдкор” футбол клуби сафида ҳар мавсум голеодор ҳужумчилар тўп тепишган.

Жорий мавсумда “қалдирғочлар”нинг украиналик ҳужумчиси Олександр Пишур ўзининг тўпурарлик қобилиятини намойиш қилиб, бу борада чемпионат етакчиларидан бири бўлиб турибди. У “Бунёдкор” сафида Осиё Чемпионлар лигаси, Ўзбекистон чемпионати ва кубоги учрашувларини қўшиб ҳисоблаганда жами 33та учрашувда иштирок этиб, рақиблари дарвозасига 24та гол уришни уддалади. Фоиз кўрсаткичи бўйича ҳисоблаганда у майдонга тушган ўйинларининг 73%ини голсиз ўтказмаган.

Олександр Пишурнинг “Бунёдкор” сафидаги умумий голлари сони 24тага етганини айтиб ўтдик. Бу кўрсаткич билан у икки мавсум олдин “қалдирғочлар” шарафини ҳимоя қилган Милош Трифуновични ортда қолдирди. Ўшанда сербиялик ҳужумчи 36та ўйинда 22та гол уришни уддалаган эди.

Фоизлар кўрсаткичи борасида Стевица Ристичга етадигани йўқ. У ўзи иштирок этган 75% учрашувларда рақиб дарвозабонларини ҳафа қилган. Яъни, македониялик ҳужумчи 24 учрашувда 18та гол уришга муваффақ бўлган.

“Бунёдкор” жамоасининг умумий тўпурарлари рўйҳатини Анваржон Солиев 65та голи билан бошқариб бормоқда. У шунча голни 158та ўйинда киритган.

“Бунёдкор” тўпурарлари
№	Футболчи	Мамлакати	Ўйин	Гол	Фоиз
1	Анваржон Солиев	Ўзбекистон	158	65	41%
2	Ривалдо	Бразилия	80	43	54%
3	Сервер Жепаров	Ўзбекистон	104	38	37%
4	Виктор Карпенко	Ўзбекистон	202	38	19%
5	Шавкат Саломов	Ўзбекистон	160	30	19%
6	Хосе-Луис Вильянуэва	Чили	47	27	57%
7	Олександр Пишур	Украина	33	24	73%
8	Милош Трифунович	Сербия	36	22	61%
9	Стевица Ристич	Македония	24	18	75%
10	Тимур Кападзе	Ўзбекистон	106	17	16%
11	Жасур Ҳасанов	Ўзбекистон	186	17	9%