"Jilina" Slovakiyaning eng mashhur klublaridan biri hisoblanib, 7 karra mamlakat chempioni va 2 marta Slovakiya Kubogi sohibi bo'lishga erishgan. Ayni paytda jilinaliklar o'z ligalarida 2-o'rinni egallab turishibdi. Bu jamoaga mahalliy mutaxassis Pavol Shtano boshchilik qilmoqda. "Paxtakor" va "Jilina" o'rtasidagi bellashuv 25 yanvar, shanba kuni Toshkent vaqti bilan 16:00da Abu Dabidagi "Jebel Ali" stadionida boshlanishi rejalashtirilgan. Dastlabki nazorat o'yinida "Paxtakor" "Rostov" bilan 1:1 hisobida durang qayd etgandi.
