Ўзбекистон U-19 термаси устози Фарҳод Нишонов: "Уругвай биринчи ўйинда ютқазиб қўйгани боис бор кучини биз билан ўйинга қаратишини билардик"
26 авг 2022 20:52
Янгиликлар

Ўзбекистон U-19 термаси устози Фарҳод Нишонов: "Уругвай биринчи ўйинда ютқазиб қўйгани боис бор кучини биз билан ўйинга қаратишини билардик"

Японияда бўлиб ўтаётган "SBS Cup" турнири доирасидаги Ўзбекистон – Уругвай (1:0) учрашувидан кейин вакилларимиз бош мураббийи фикрлари билан ўртоқлашди.

"Ўйин ҳақида фикр билдирадиган бўлсам, ўйин жуда қийин ўтди. Биз буни кутгандик, чунки Уругвай терма жамоаси биринчи ўйинда ютқазиб қўйгани боис бор кучини иккинчи ўйинга қаратишини билардик.

Ўйиннинг бошида рақиб кучли босим ўтказишга ҳаракат қилди. Биринчи вазифамиз ану шу босимга туриб бериш эди ва футболчилар буни уддалашди. Кейин эса ўйин ўз жойига тушди.

Ғалаба қозонганимиздан ҳурсандмиз, йигитларга катта раҳмат айтмоқчиман. Улар ўз ҳарактерларини кўрсата олишди ва ватан учун ўйнашди. Энди бор эътиборимизни кейинги учрашувларга қаратамиз. Мақсадимиз – фақат ғалаба!", – деди Нишонов.

“SBS Cup” (U-19). Ўзбекистон Уругвайни мағлубиятга учратди

Ҳавола :

Манба : ЎФА матбуот хизмати

Янгиликларни Телеграмда ўқинг!

Рейтинг: +9