Tarkibga milliy terma jamoa safida 83ta o'yin o'tkazgan Aleksandr Geynrixning mamlakatning asosiy jamoasi safiga yana chaqiruv olgani e'tiborga molik. Shu bilan birga Toshkentning “Lokomotiv” klubi hujumchisi Temurxo'ja Abduholiqovning ham chaqirilgani jamoa hujum chizig'idagi raqobatni kuchaytirishiga xizmat qiladi.
Samvel Babayan terma jamoaga bosh murabbiy qilib tayinlanganidan keyin tashkil etilgan iyul oyidagi yig'indan farqli o'laroq, bu safar xorijda faoliyat olib borayotgan futbolchilar ham jalb etilgan. Shuningdek, avvalgi yig'inda ishtirok etmagan futbolchilardan Ignatiy Nesterov, Shavkat Mullajonov va Sanjar Shoahmedov ham ushbu ro'yxatdan o'rin olgan.
Ikki muhim o'yin oldidan o'tkaziladigan yig'inga chaqirilganlar orasida milliy terma jamoa tarkibida eng ko'p maydonga tushgan futbolchi - Server Jeparovdir. U shu kunga qadar mamlkat bosh jamoasi safida 107 bor maydoga tushib, 23 marta raqib darvozasini ishg'ol qilgan. O'yinlar soni bo'yicha ikkinchi o'rinda Ignatiy Nesterov. U milliy terma jamoa darvozasini 91 o'yinda qo'riqlagan.
Eslatib o'tamiz, O'zbekiston milliy terma jamoasi Jahon va Osiyo chempionatining qo'shma saralash bosqichi doirasida 3 sentyabr kuni Toshkentda Yaman terma jamoasini qabul qiladi. Bu uchrashuvdan besh kun o'tib, Samvel Babayan shogirdlari safarda Filippin terma jamoasiga qarshi o'ynaydi. Bu ikki o'yinga tayyorgarlikni terma jamoa 27 avgustdan boshlaydi.
Darvozabonlar
| # | Ism-sharifi | Tug'ilgan sana | Klubi | MTJdagi o'yin va gollari |
| 1 | Aleksandr Lobanov | 04.01.1986 | “Paxtakor” | 0/0 |
| 2 | Ignatiy Nesterov | 20.06.1983 | “Lokomotiv” | 92/-100 |
| 3 | Eldor Suyunov | 12.04.1991 | “Nasaf” | 11/-4 |
Himoyachilar
| # | Ism-sharifi | Tug'ilgan sana | Klubi | MTJdagi o'yin va gollari |
| 4 | Aleksandr Merzlyakov | 30.10.1986 | “Paxtakor” | 4/0 |
| 5 | Davron Xoshimov | 24.11.1992 | “Paxtakor” | 4/0 |
| 6 | Egor Krimec | 27.01.1992 | “Paxtakor” | 9/2 |
| 7 | Anzur Ismoilov | 21.04.1985 | “Changchun Yatay” (Xitoy) | 68/1 |
| 8 | Islom To'xtaxo'jaev | 30.10.1989 | “Lokomotiv” | 41/1 |
| 9 | Sherzod A'zamov | 14.01.1990 | “Nasaf” | 0/0 |
| 10 | Shavkat Mullajonov | 19.01.1986 | “Lokomotiv” | 39/0 |
| 11 | Vitaliy Denisov | 23.02.1987 | “Lokomotiv” (Rossiya) | 57/1 |
| 12 | Farrux Sayfiev | 17.01.1991 | “Nasaf” | 13/0 |
Yarim himoyachilar
| # | Ism-sharifi | Tug'ilgan sana | Klubi | MTJdagi o'yin va gollari |
| 13 | Odiljon Hamrobekov | 13.02.1996 | “Nasaf” | 0/0 |
| 14 | Shuxrat Muhammadiev | 24.06.1989 | “Nasaf” | 12/0 |
| 15 | Odil Ahmedov | 25.11.1987 | “Krasnodar” (Rossiya) | 70/12 |
| 16 | Server Jeparov | 03.10.1982 | “Ulsan” (Janubiy Koreya) | 107/23 |
| 17 | Azizbek Haydarov | 08.07.1985 | “Ash-Shabob” (S. Arabistoni) | 69/0 |
| 18 | Vladimir Kozak | 12.03.1993 | “Paxtakor” | 4/0 |
| 19 | Fozil Musaev | 02.01.1989 | “Sepahon” (Eron) | 20/0 |
| 20 | Sardor Rashidov | 14.06.1991 | “Al-Jaish” | 24/7 |
| 21 | Sanjar Tursunov | 29.12.1987 | “Vorskala” (Ukraina) | 47/5 |
| 22 | Stanislav Andreev | 06.05.1988 | “Paxtakor” | 28/1 |
| 23 | Javohir Sohibov | 01.03.1995 | “Paxtakor” | 0/0 |
| 24 | Jasur Hasanov | 02.08.1983 | “Lokomotiv” | 42/2 |
| 25 | Sanjar Shoahmedov | 23.09.1990 | “Lokomotiv” | 1/0 |
Hujumchilar
| # | Ism-sharifi | Tug'ilgan sana | Klubi | MTJdagi o'yin va gollari |
| 26 | Ilhom Shomurodov | 28.03.1984 | “Nasaf” | 0/0 |
| 27 | Aleksandr Geynrix | 06.10.1984 | “Ordabasi” | 83/28 |
| 28 | Temurxo'ja Abduholiqov | 25.09.1991 | “Lokomotiv” | 1/0 |
| 29 | Igor Sergeev | 30.04.1993 | “Paxtakor” | 19/6 |
| 30 | Eldor Shomurodov | 29.06.1995 | “Bunyodkor” | 0/0 |
