Ўртоқлик учрашуви: Ўзбекистон сафарда Хитойни мағлубиятга учратди

Хитойнинг Хаххот шаҳрида бўлиб ўтган учрашувда Қосимов шогирдлари Улуғбек Бақеов ва Сервер Жепаровнинг голлари эвазига рақибини мағлубиятга учратишди. Ўйинда биринчи бўлиб хитойликлар ҳисобни очганига қарамай, Қосимов шогирллари ўйиндаги устунликни бироз бўлса-да қўлларига олдилар ва 44-дақиқада ҳисобни тенглаштиришнинг уддасидан чиқишди. Бу вазиятда, миллий терма жамоа ҳужумчиси Улуғбек Бақеов чамаси 25 метрлардан кучли зарба йўллаб хитойликлар дарвозабонини ортда қолдирди ва биринчи бўлим шу ҳисоб билан якунига етди.

Иккинчи бўлимнинг 54-дақиқасида эса, миллий терма жамоа сардори Сервер Жепаров Темур Кападзенинг тўп оширишидан сўнг Ўзбекистонни ҳисобда олдинга олиб чиқди. Учрашувнинг қолган дақиқаларида ҳар иккала терма жамоа аъзоларида ҳисобни ўзгартириш учун имкониятлар бўлди, аммо ҳисоб бошқа ўзгармади.

Эслатиб ўтамиз, Ўзбекистон миллий терма жамоаси 11 июнь куни Сеулда Жанубий Корея миллий терма жамоасига қарши ЖЧ-2014 саралаши 9-тур учрашувида майдонга тушади. Терма жамоа бош мураббийи Миржалол Қосимов мазкур ўйинда иштирок этиш учун жами 23 нафар футболчини жалб қилган.

ЎРТОҚЛИК УЧРАШУВИ.
6 июнь. Хаххот.
ХИТОЙ - ЎЗБЕКИСТОН - 1:2 (1:1)
Голлар: Ван По (31) - Улуғбек Бақоев (44), Сервер Жепаров (54).
Ўзбекистон: Игнатий Нестеров, Шоҳрух Гадоев, Анзур Исмоилов, Ислом Тўхтахўжаев, Акмал Шораҳмедов (Ислом Иномов, 75), Виталий Денисов, Одил Аҳмедов (Фозил Мусаев, 83), Темур Кападзе (Азизбек Ҳайдаров, 61), Сервер Жепаров (С) (Александр Гейнрих, 61), Санжар Турсунов (Олег Зотеев, 72), Улуғбек Бақоев (Фарҳод Тожиев, 61).
Огоҳлантириш: Фанг Хиолин (30) - Александр Гейнрих (81).