"Online futbol" deya ataluvchi mazkur turnirda vodiyning turli burchagidan jamoalar o'zaro bahs olib borishadi. Aynan mana shunday turnirlar natijasida har bir qishloqda o'ziga xos klublar shakllanib borayapti desak mubolag'a bo'lmaydi.
Misol uchun, Andijon viloyati Shirmonbuloq qishlog'ini oladigan bo'lsak, mazkur mo'jazgina go'shada davomiy chempionat yo'lga qo'yilgan. Qishlog'imizning fermeri Mirzohid Mirzasoliev homiyligidagi SHB-SITI jamoasi muvaffaqiyatli odimlab, oktyabr oyini mag'lubiyatsiz yakunladi. Kelajakda, ushbu jamoa o'zagida professional klubni tashkil etgan holda, o'zbek futboliga yosh iqtidorlarni etkazib berishni maqsad qilingan.
SHB-SITI jamoasi menejeri Muhammad MUXTOROV
