UZ

Сўнгги янгиликлар

08:40«Кристал Пэлас» ва «Сандерленд» ҳам АПЛ чемпиони бўлишмоқчи  1 08:22Европа лигаси финали 1 дақиқалик сукут билан бошланади  1 08:1434 ёшли Дефо «Борнмут» билан 3 йиллик шартнома тузиш арафасида  0 08:08Европа лигаси. Бугун финал!  12 08:00Алишер Усмонов клубни сотиб олиш бўйича иккинчи таклифни юбормоқчи  8 01:55 Бьелса “Лилл” бош мураббийи сифатида таништирилди  0 01:19Моуриньо агар Европа лигасида ғолиб чиқса...  4 01:10Эллардайс “Кристал Пэлас”дан кетишга қарор қилди  2 00:40«Барселона» Евро-2017 (U-21) мусобақасидан сўнг Деулофеуни қайтаради  0 00:20«Валенсия» янги бош мураббий Марселинони таништирди  0 23:55Суперкомпьютер ҳақ бўлиб чиқди ФОТО  6 23:41Харри Кьюэлл Англия 4-дивизиони клуби бош мураббийига айланди  1 23:22Косьельни 3та ўйинга четлатилди ва Англия кубоги финалида майдонга тушмайди  2 22:40"Валенсия" клуби қандай қилиб пул топади?   3 22:20Коке «Атлетико»да 2024 йилга қадар қолади  5

29 ноя 16:40
Янгиликлар

Олий лига-2013. Етти кашфиёт футболчи

Якунланган 2013 йилги мавсум бир қанча ёш иқтидорларни етиштириб берди.
Аслида ҳар бир жамоада ўзига хос «топилма» ёшлар бор. Биз эса барчасини сарҳисоб қилган ҳолда чинакам кашфиётга айланган Олий лиганинг етти кашфиётини саралаб олдик, дея ёзилади «Эрудит Спорт» нашрида. Биз учун қувонарлиси, ушбу рўйхатдан икки нафар «динамочилар» ҳам жой олди.

1. Элдор Суюнов - «Насаф»

Айнан Суюнов мазкур мавсумдаги биринчи рақамли кашфиётга айланди. Ўтган йили уни деярли ҳеч ким танимасди. Бу йил эса “Насаф” бош мураббийи Рўзиқул Бердиев унинг салоҳиятини яхши билган ҳолда қўрқмасдан асосий таркибдан жой берди ва адашмади. Ҳаттоки унинг истеъдоди терма жамоа мураббийларини бефарқ қолдирмади. Шу йилнинг ўзида “Насаф”да дебютини ўтказган ёш пос-бон миллий терма жамоада ҳам учта учрашувини ўтказишга эришди. Элдор мавсум давомида 23 та учрашувда қаршиликлар дарвозасини қўриқлаб, дарвозасидан 20 та тўп ўтказиб юборди.

2. Игорь Сергеев - «Пахтакор»

Бугунги кунда энг кўп тилга олинаётган футболчилардан бири Игорь Сергеевдир. Уни олдинда ёрқин келажак кутиб турибди. Фақат Сергеев ўсишдан тўхтаб қолмаслиги лозим. Ёшлар ўртасидаги жаҳон чемпионатида қатнашиб, терма жамоамизнинг етакчиларидан бири бўлган ҳужумчи тез орада миллий терма жамоада ҳам дебютини ўтказишга эришди. Бу йилги мавсумда Мурод Исмоилов уни 20 та ўйинда майдонга туширди. Лекин ҳужумчи сифатида унинг урган голлари кам, яъни беш марта тўп киритди. Шунга қарамасдан, бу ҳолат унинг кашфиётлар қаторидан ўрин олмаслигига сабаб бўла олмайди.

3. Сардор Рашидов - «Бунёдкор»

“Бунёдкор” таркибида тўп суришнинг ўзи катта гап. Сардор Рашидов эса жиддий рақобат бўлишига қарамасдан ўз иқтидорини кўрсатиб, Миржалол Қосимовнинг ишончини қозона олди. Ҳисоблаб чиқсак, Рашидов 14 та ўйинда “Бунёдкор” либосида майдонга тушиб, рақиблар дарвозасига 3та тўп киритди. Миржалол Қўшоқович миллий терма таркибини аста-секин ёшартиришни бошлади. Шу боис Сардор Рашидовга терма жамоа эшиги очилди. Эътиборлиси, ёш ўйинчи бош жамоамиз таркибида ўзини йўқотиб қўймади. Аксинча, Вьетнамга қарши Тошкент ва Ханойдаги учрашувларда гол уриб, ғалабага ўз улушини қўшди.

4. Фаррух Шотурсунов - «Динамо»

Ушбу 20 ёшли ҳужумчи биринчи даврани “Қизилқум”да ўтказди. Лекин молиявий муаммолар туфайли клубни тарк этиб, «Динамо»га ўтгач, иккинчи давра арафасида Фаррухни ҳам Самарқандга олиб ўтди. Негаки ёш бўлса-да, унинг қобилиятини яхши билгани учун “Динамо”га чорлади ва адашмади. У 11 та ўйинда майдонга тушиб, 8 та гол уришга муваффақ бўлди. Шунинг ўзиёқ унинг чиндан кашфиётлардан бири эканлигини кўрсатиб турибди. Муҳими, Шотурсунов “Динамо”нинг муваффақиятларида катта роль ўйнади.

5. Суҳроб Бердиев - «Сўғдиёна»

Чиндан ҳам ушбу ўйинчи “Сўғдиёна” таркибида ёрқин таассурот қолдирди. Бу йил Даврон Файзиев ёшларга ҳам катта эътибор ва имконият берди. Бундан эса Суҳроб унумли фойдалана олди. Ярим ҳимоячи 21 та учрашувда майдонга тушиб, рақиблар дарвозасини 7 марта ишғол этди. Аслида «Олмалиқ» клуби тарбияланувчиси бўлган ушбу футболчига ҳозирданоқ қизиқаётган жамоалар пайдо бўлмоқда. Лекин Даврон Файзиев уни кейинги мавсумда ҳам ўз жамоасида кўриш истагида.

6. Комил Шарофутдинов - «Динамо»

«Динамо» таркибида жорий мавсумда бир қатор иқтидорли футболчиларнинг кашф қилинганига гувоҳ бўлдик. Абдулло Набиев, Фирдавс Абдусалимов, Тимур Дадашев, Нодир Санақулов, Фаррух Шотурсуновлар каби ёшлар қатори Комил Шарофутдинов ҳақиқатдан ноёб истеъдод эгаси сифатида таассурот уйғотди. У 20 та ўйинда 3 та гол муаллифи бўлди.

7. Диёр Туропов - «Олмалиқ»

Игорь Шквирин бош мураббийлигида “Олмалиқ” сафида ҳар мавсумда албатта ўзини яхши томондан кўрсатаётган ёшлар намоён бўлмоқда. Бу йилги чемпионатда Диёр Туропов кўпчиликда катта қизиқиш уйғотди. Диёрнинг истеъдодини вақтида билган Игорь Анатольевич уни тез орада асосий таркибга киритди. Натижада ушбу мавсумда футболчи 17 марта майдонга тушди ва бир марта гол урди. У гол уришдан кўра, асосан жамоадошларига голли пас узатишларни хуш кўради. Қолаверса, ёзда Туркиядаги ёшлар ўртасидаги жаҳон чемпионатида ҳам Диёр Туропов Ўзбекистон шарафини муносиб ҳимоя қилганини ҳамма кўрди.

 Ш.Жўраев.
Рейтинг:    

Фикрлар

< сўнгги янгиликларни кўриш

Энг яхшилар

Испания. "Реал Мадрид" 5 йилдан сўнг ниҳоят ЧЕМПИОН!  ФОТО + ВИДЕО Испания. "Реал Мадрид" 5 йилдан сўнг ниҳоят ЧЕМПИОН! ФОТО + ВИДЕО
Испания чемпионатининг 38-туридан ўрин олган "Малага" –...  105
Ўзбекистон кубоги. 1/8 финал. "Нефтчи" дастлабки ўйинда кичик ғалабага эришди Ўзбекистон кубоги. 1/8 финал. "Нефтчи" дастлабки ўйинда кичик ғалабага эришди
Ўзбекистон кубоги 1/8 финалидан ўрин олган "Нефтчи" -...  131
Ўзбекистон кубоги. 1/8 финал. "Пахтакор" - "Насаф" 0:3 ва бошқа натижалар Ўзбекистон кубоги. 1/8 финал. "Пахтакор" - "Насаф" 0:3 ва бошқа натижалар
Бугун Ўзбекистон Кубогининг 1/8 финал босқичи дастлабки ўйинлари...  128
Футзал. U-20 Осиё чемпионати. Ўзбекистон - Мўғулистон ОНЛАЙН ВИДЕО Футзал. U-20 Осиё чемпионати. Ўзбекистон - Мўғулистон ОНЛАЙН ВИДЕО
Таиландда футзал бўйича U-20 Осиё чемпионати давом этмоқда.  86
������.�������

Выберите страну:

Mamlakatni tanlang:

Выберите язык новостей:

Yangiliklar tilini tanlang: