Ушбу натижа европаликлар бош мураббийи Рональд Куманga маъқул келмади. Унинг фикрича, футболчилари va учрашув ҳаками ўз вазифаларини тўғри бажара олишмаган.
Биринчи навбатда, бош ҳакам Алисса Пеннингтоннинг ҳаракатлари ҳақида. Куман ҳакамнинг қарорларидан, айниқса, тўп қўл билан ўйналгани учун Гус Тилга кўрсатилган қизил карточкадан жуда норози бўлди.
"Умид қиламанки, бу ҳолат ушбу Жаҳон чемпионатида ҳакамлар учун стандартга айланиб қолмайди", — дея таъкидлади Рональд Куман.
Унинг сўзларига кўра, Пеннингтон Саммервиллга қарши ишлатилган очиқ-ойдин фол учун карточка кўрсатиши керак эди, аммо бунинг ўрнига тўп "тасодифан" тегиб кетган Тилни майдондан четлатди.
Нидерландия терма жамоаси бош мураббийи футболчиларнинг ўйинидан ҳам аниқ норозилигини яшириб ўтирмади.
"Ҳужумларни якунлаш қобилиятимиз, айниқса, Саммервилл ва Мален иштирок этган вазиятлар мени жуда хавотирга солмоқда. Бу у қадар катта муаммо эмас; бизда гол уриш учун потенциал етарли, шунчаки ҳозирча буни уддалай олмаяпмиз. Аммо гап шундаки, биз зудлик билан ниманидир ўзгартиришимиз керак. Футболчилар олдиндаги учрашувларда ўз имкониятларидан яхшироқ фойдаланишлари шарт", — дея алоҳида тўхталди Рональд Куман.
